Потсдам декларациясы

Уикипедия — ашық энциклопедиясынан алынған мәлімет
Навигацияға өту Іздеуге өту

Потсдам декларациясы (1945) — 2-дүние жүзілік соғыста Жапонияны сөзсіз тізе бүктіру жөніндегі декларация. Декларация Потсдам конференциясы жүріп жатқан кезде, 1945 ж. 26 шілдеде АҚШ, Ұлыбритания жөне Қытай Республикасы өкіметтері атынан жарияланды. 1945 ж. 8 сәуірде декларацияға КСРО да қосылды. Потсдам декларациясында 1943 ж. жарияланған Каир декларациясы тағы да қуатталды. Жапонияны сөзсіз тізе бүктіру жөніндегі талаптан басқа, оны бейбіт жолға түсіру принциптері белгіленді. Ең бастысы — Жапонияның басқыншылық саясатына соққы беру. Жапония империалистерінің 1-дүние жүзілік соғыстан кейін жаулап алған Тынық мұхиттағы барлық аралдарды қайтарып беру, Қытайдан тартып алған барлық жерлерін Қытай республикасына қайтару көзделді. Жапонияның соғыс экономикасына шек қойылды. Жапонияда халық тілегіне сай бейбітшілікті жақтайтын демократияшыл өкімет орнатуды, милитаристік үкімет билігін біржолата жоюды белгіледі. Кеңес Одағы одақтастары алдындағы міндеттемесін адалдықпен орындай отырып, Жапония империалистік өкіметінің басқыншылық саясатын жою, дүние жүзі халықтарының көптен арман еткен бейбіт өмірін жақындату мақсатында 1945 ж. 9 сәуірде Кеңес Одағы Жапонияға қарсы соғыс жағдайында деп санады. 1945 ж. 2 қыркүйекте империалистік Жапония талқан етілді. 2-дүн. жүз. соғыс аяқталды.[1]

Дереккөздер[өңдеу | қайнарын өңдеу]

  1. Қазақ Совет Энциклопедиясы, 9 том