Психоталдау

Уикипедия — ашық энциклопедиясынан алынған мәлімет
Навигацияға өту Іздеуге өту

Психоталдау (психо және гр. analysis — ыдырау, бөлшектеу) — 1) адам психикасындағы жасырын ұғынылмаған процестерді айқындауға негізделген, австриялық психолог 3. Фрейд (1856-1939) пен оның ізбасарлары ұсынған психотерапия әдісі; 2) 3. Фрейд тұжырымдамасына негізделген және адам психикасы функциясының механизмі мен құрылысы туралы болжам мен идеялардың жиынтығы. Мамандар психоталдаудың үш құрамдас бөліміне назар аударады: психикалық зерттеу әдісі; адам мінез-құлықтары туралы білімдер жүйесі (психоталдаулық теория); психикалық қызмет пен оның науқас күйін емдеу тәсілі (психоталдау терапиясы) психоталдауды жүйкесі жұқарған, невроз адамдарды емдеуге және түрлі психикалық көңіл-күйді түсінуге септігін тигізеді. Психоталдауды фрейдизмнен психоталдау ережелері арқылы философиялық, социологиялық, педагогикалық және т.б. ғылыми проблемаларды түсіндіретін өзгеше дүниетанымнан ажырата білу керек. Психоталдау санасыз психикалық құбылыстар мен түс көрулердің интерпретациялық процедурасын және идеялар жүйесін қамтиды, сонымен 3. Фрейд теориясына сүйене отырып рух әлемінің ауруларын психологиялық әдістермен диагностикасын жасап емдеу қарастырылады.[1]

Дереккөздер[өңдеу | қайнарын өңдеу]

  1. Жантану атауларының түсіндірме сөздігі. — Алматы: "Сөздік-Словарь", 2006. - 384 бет. ISBN 9965-409-98-6