Пьезоэлектрлік аспаптар

Пьезоэлектрлік аспаптар — пьезоэлектрлік эффект негізіңде акустикалық энергияны электр энергиясына немесе керісінше, сондай-ақ сигналдар алу мақсатымен түрлендіру іске асырылатын арнайы кұрылғылар. Пьезоэлектрлік аспаптар мынадай негізгі топтарға бөлінеді: акустикалық толқындар сәулелендіргіштері, қабылдағыш Пьезоэлектрлік аспаптар күшейткіш Пьезоэлектрлік аспаптар түрлендіргіштер, пьезоэлектрондық құрылғылар және т.б. Пьезоэлектрлік аспаптар сәулелендіргіштер мен электрондық қоздырғыш генератордан және акустикалық толқындарды шығаратын пьезо- электрлік түрлендіргіштен тұрады. Газда, сұйықта немесе қатты дене ішінде сәуле шығарғыш ретінде пайдаланылады.

Қабылдагыш Пьезоэлектрлік аспаптар пьезоқабылдағыштан және сигналды күшейту мен түрлендірудің электрондық құрылғысынан тұрады. Сейсмоқабылдағыштарда, УД дефектоскоптарда және басқаларда пайдаланылады. Күшейткіштік Пьезоэлектрлік аспаптар электрондық және пьезоэлектрлік элементтері бар сигналды күшейту және түрлендіру трактысынан тұрады. Радиоқабылдағыш құрылғыларда преселекторлар және аралық жиілікті күшейткіштер ретінде қолданылады. Пьезоэлектрлік аспаптар түрлендіргіштері электрондық құрылғылар мен пьезоэлектрлік түрлендіргіштерден тұрады. Электр сигналдарының генераторлары, екінші ретті қоректену көздері және т.б. ретінде пайдаланылады. Пьезоэлектрондық құрылғылар электрондық техниканың функционалды бұйымдары (кідірту желілері, сезгіштер, пьезоэлектрлік генераторлар, жиілікті талғағыш микроблоктар және т.б.) болып табылады.