Пэк Нам Ун

Пэк Нам Ун (кор. 백남운^?, 白南雲^? (17. 3. 1894 ж. т„ Чолла-Пукто провинциясы) — корей саяси қайраткері, тарихшы. 30 жылдары Корея тарихын марксистік методол. негізінде зерттеуді бастаушылардың бірі. Бұл кезеңде оның «Кореяның әлеуметтік-экономикалық тарихы», «Феодалдық Кореяның әлеуметтік-экономикалық тарихы» атты еңбектері жарық көрді. Оңт. Корея Жаңа халық партиясы ОК-нің председателі, Оңтүстік Корея Еңбек партиясы ОК предсадателінің орынбасары, Оңт. Корея Демократиялық ұлттық майданы ОК-нің председателі болды. 1947 ж. Солт. Кореяға қоныс аударды, 1948 ж. депутат болып сайланды, кейін Корей Халың Демократиялық Республикасының (КХДР) Жоғарғы халық жиналысы Президиумының мүшесі. 1953 жылдан КХДР ғылым академиясының толық мүшесі, 1956—61 жылдары оның президенті. 1961 жылдан Корея Еңбек партиясы ОК-нің мүшесі. 1958 жылдан КСРО ғылым академиясының шетелдік мүшесі.