Піл тасбақасы

Уикипедия — ашық энциклопедиясынан алынған мәлімет
Jump to navigation Jump to search

Галапагос тасбақасы - Галапагос топаралына жататын тоғыз аралда ғана тіршілік ететін эндемик жануар. Ол дүние жүзіндегі ірі таспақалардың бірі. Ересек галапогос тасбақаларының салмағы 300 келеден, ұзындығы 1,2 метрден асады. Бұл тасбақалардың екі түрі болады: жері қуаң кішігірім аралдарда сауыты аттың еріне ұқсас кішілеу тасбақалар мекен етеді. Аналығының салмағы - 27 келі, аталығының салмағы - 54 келедей болады. Ал сулы, нулы үлкен аралдарда сауыты күмбез тәріздес, биік тасбақалар мекен етеді. Олардың денесі өте ірі. Галапогос тасбақасының сауытының ұзындығы - шамамен 1 метрге, биіктігі 0,5 метрге жетеді. Аяқтары - жуан әрі мықты, саусақтары - қысқа, ал мойны жіңішке келеді. Галапагос тасбақасы орта есеппен 150-200 жыл өмір сүреді. Тасбақа аралда өсетін өсімдіктердің бәрін жей береді, тіпті басқа жануарлар үшін улы болып саналатын өсімдіктерді қорек етеді. Денесіне ас қорын жинап алып, бір жылға дейін тамақ жемей, су ішпей жүре алады. Олар уақытын күні бойы күнге қыздырынумен өткізеді. Күн батып, салқын түскенде қалың шөпке немесе батпаққа жартылай көміліп жылынады.

Дереккөздер[өңдеу]