Радиолокациялық алаң

Радиолокациялық алаң — радиолокациялық станциялар берілген ықтималдықпен қарсыластың нысаналары мен өз объектілерінің тактикалық сипаттамаларын табу, сүйемелдеу және анықтауды қамтамасыз ететін шектегі кеңістік. Радиолокациялық алаң кеңістігі, ұзындығы, құрылымы және диапазон биіктігі радиотехникалық бөлімдер, әуе шабуылына қарсы қорғаныс әскерлерінің (күштерінін) құрамына, радиолокациялық станциялар (РЛС) санына және тактикалық-техникалық сипаттамаларына байланысты болады.

Белсенді локациялау алаңы радиолокациялық алаңның негізгі бөлігі болып келеді. Енжар локациялау алаңы қарсыластың радиоэлектрондық басуды қолдануы жағдайында жасалады. Радиолокациялық алаң жалпы немесе ошақты болуы мүмкін. Жалпы радиолокациялық алаңда кез келген нүктеде нысаналарды табу, сипаттамаларын анықтау және үздіксіз сүйемелдеу бір радиолокациялық станциялармен жүргізіле береді. Радиолокациялық алаң бір және көп сөрелі болуы мүмкін.

Бір сөрелі радиолокациялық алаң бір типті радиолокациялық станциялармен, көп сөрелі — әр түрлі типті радиолокациялық станциялармен жасалады. Радиолокациялық алаң нақты биіктіктегі шеппен, төменгі және жоғарғы шептер биіктігімен, жабу коэффициентімен сипатталады. Нақты биіктіктегі радиолокациялық алаң шегі алаң мен барлық нүктелері жер (теңіз) бетінен бірдей қашықтықта болатын елестетілген жазыктықпен қиылысуынан пайда болған тұйық сызықтан тұрады.

Радиолокациялық алаңның төменгі және жоғарғы шектерінің биіктігі — кем дегенде жалғыз радиолокациялық станциялармен әуе нысанасын табу және үздіксіз сүйемелдеу қамтамасыз етілетін, жер (теңіз ) бетінен саналатын ең кіші және ең жоғарғы биіктіктер. Көру алқаптары алаңның нақты нүктесінде өзара жабылатын радиолокациялық станцияларлар санына тең сан кеңістіктің нақты нүктесіндегі радиолокациялық алаңнын жабылу коэффициенті деп аталады.