Радиотехникалық жүйе

Радиотехникалық жүйе — белгілі бір мәселелерді (тапсырма) шешу үшін біріктірілген, кеңістікте таралған және өзара әсер ететін радиотехникалық құралдардың жиынтығы. Ол радиолокациялық, радионавигациялық, радиобайланыс, радиотеледидар, радиотелеметриялы, радиобасқарма, радиобарлау, радиоқарсыласу т.б. болып бөлінеді.

Радиотехникалық жүйеде электронды техника кеңінен таралған, сондықтан оны көбіне радиоэлектронды жүйе деп атайды. Қазіргі заманғы радиотехникалық жүйе жоғары дәрежеде автоматтандырылған, координатттарды, мақсаттың курсы мен жылдамдығын анықтауға мүмкіндігі мол, ұшақтар мен ракеталарды бағыттау, нысананы көздеу мәселелерін, әуе қозғалысын басқару , ұшақтарды қондыру және т.б. мәселелерді шешеді. Автоматтандырылған РТЖ құрамында ЭЕМ жиі қолданылады, одан арғы дамуы автоматтандырылған РТЖ-ге айналдыру жолымен жүргізіледі.