Раиса Сайранқызы Қадыр
| Раиса Кадер | |
| Раиса Сайранқызы Қадыр | |
| Туған күні | |
|---|---|
| Туған жері | |
| Азаматтығы | |
| Компаниясы | |
| Білімі |
Каирдағы америка университеті |
Раиса Сайранқызы Қадыр — Steppe & World Publishing баспасының және «Alghayat» әдеби агенттігінің негізін қалаушы, қазақ тілді аударма және балалар әдебиетін насихаттаумен айналысатын кәсіпкер[1].
Өмірбаяны
[өңдеу | дереккөзін өңдеу]Ол Моңғолияда туған, Таяу Шығыс, Ұлыбритания, Германия және Нидерландта өмір сүрген. Жеті тіл меңгерген.
Каирдегі Америка университетінде саясаттану және гуманитарлық бағыттар бойынша, Лондон университетінде шығыстану саласы бойынша, Ерасмус университетінде қаржылық менеджмент мамандығы бойынша білім алған.
Германияда тұрған кезеңінде балаларға арналған жеке бренд ашып, Моңғолияда өндірілген органикалық киімдерді Еуропа нарығына жеткізіп сатумен айналысты. Брендтің өнімдері халықаралық деңгейдегі танымал тауар белгілерімен қатар сатылып, жоғары сұранысқа ие болды.
Кейінірек Таяу Шығыста инвестициялық компанияда жұмыс істеп, араб мемлекеттерінің Азия аймағына бағытталған қаржы құйылымдарына қатысты экономикалық талдау және зерттеу жұмыстарын жүргізді. Бала күтіміне байланысты үй жағдайында болған кезеңінде фрилансер ретінде бизнес өкілдеріне жеке консалтинг қызметін көрсетті[2].
Баспагерлік
[өңдеу | дереккөзін өңдеу]2016 жылы Германиядағы Франкфурт қаласының маңында тұратын Раиса Қадыр жолдасымен Алматыға келеді. Сол кезде ол өзіне және балаларға қазақ тіліндегі кітаптарды іздейді, әрі дәл сонда орыс тіліндегі және қазақ тіліндегі кітаптардың таңдауының қаншалықты айырмашылығы бар екенін көреді. Қазақ тілінде сөйлейтін әрі оқитын адамдардың кітапқа қол жеткізе алмайтындығын айтады. Сол сәттен бастап осы мәселені шешумен айналысуға бағытталған іс бастайды[3].
2016 жылдан бастап баспа ісін қолға алады. Бастапқы идея уақыт өте келе бизнес-жобаға айналды. Баспа қызметінің негізгі бағыты – шетелде жоғары бағаланған және сапалы деп танылған әдебиеттерді іріктеп, оларды қазақ тіліне аударып, басып шығару және қазақтілді аудиторияға ұсыну[4].
Оның баспасы Джулия Дональдсонның «Ақын қоян» (The Rhyming Rabbit) және «Груффало», Эрик Карлдың «Қомағай жұлдызқұрт», сондай-ақ «Анна Франктің күнделігі» сияқты шығармаларды қазақ тіліне аударып, басып шығарды[5].
«Хәрри Поттер» жобасы
[өңдеу | дереккөзін өңдеу]Джоан Роулингтің «Хәрри Поттер» сериясын қазақ тіліне аудару бастамасы 2017 жылдың соңында басталды, авторлық құқық иелерімен келіссөздер шамамен бір жылға созылды. Аударманың сапасын көріп, көз жеткізген соң, 2019 жылы қаңтарда Джоан Роулинг кітапты аударуға рұқсат берді. Келісімшарт шарттары серияның барлық кітаптарын аударуға мүмкіндік берді. Мұқаба дизайны үшін бөлек рұқсат талап етілді, бастапқы кезеңде Ұлыбританиядағы Bloomsbury үлгілері пайдаланылатыны және кейін отандық иллюстраторлардың жұмысы бар нұсқаны шығару жоспары айтылды. Гарри Поттердің британдық және америкалық жеңілдетілген нұсқасы бар. Қазақ тіліне британдық авторлық нұсқасын таңдалды[6].
Дереккөздер
[өңдеу | дереккөзін өңдеу]- ↑ «Сейчас все доходы от продажи одной книги мы сразу вкладываем в выпуск следующей». Как в Казахстане развивается книгоиздание.
- ↑ Издательница Раиса Сайран Кадер: «Общество должно чувствовать, что не зря покупает твои книги». Как любовь к родному языку и пустые полки в книжных магазинах помогли открыть издательство.
- ↑ Раиса Сайран Кадер: «Читатели Steppe&World просят издать определённые книги на казахском».
- ↑ Steppe & World Publishing кітаптары.
- ↑ Неге дәл қазір кітап оқу керек? Раиса Қадырдан темірдей 13 аргумент.
- ↑ Гарри Поттерді қазақша «сөйлеткен» кәсіпкер.