Райымбеков Сайлаухан Ғазизұлы

Уикипедия — ашық энциклопедиясынан алынған мәлімет
Навигацияға өту Іздеуге өту

Райымбеков Сайлаухан Ғазизұлы. 1951 жылы 1 қаңтарда Шығыс Қазақстан облысы Жарма ауданының Балажал ауылында туған. Қазақ. Н.К. Крупская атындағы Семей педагогикалық институтының филология факультетін үздік бітірген (1977), оқытушы; Қазақстан менеджмент, экономика және болжамдау институтының экономикалық пәндер факультетін үздік тәмамдаған (1992), М.В. Ломоносов атындағы Мәскеу мемлекеттік университетінің экономика факультетінде бітірген (2006). Йел университетінің Жоғары менеджмент мектебінде (АҚШ); Лондон экономика және саяси ғылымдар мектебінде (Ұлыбритания) оқыған. Экономика ғылымдарының кандидаты (2009). Кандидаттық диссертациясының тақырыбы: «Қазақстандағы аймақтық жүйелердің бәсекеге қабілеттілігі: бағалау әдістері және қамтамасыз ету механизмдері». Республикалық БАҚ беттерінде жарияланған мемлекеттік басқару және аймақтық даму мәселелеріне арналған мақалалар қатарының авторы. Орыс және неміс тілдерін біледі. 1968-1969 жылдары - Семей облысының Жарма ауданындағы «Аптайалтын» комбинатының «Боко» кеніш шах- тасында жер асты үңгілеушісі. 1969-1971 жылдары - Кеңес Әскерінің қатарында қызметте. 1977 жылдан - Қазақстан ЛКЖО Семей қалалық комитетінің хатшысы. 1979 жылдан - Қазақстан ЛКЖО Семей облыстық комитетінде бөлім меңгерушісі. 1984 жылдан - Қазақстан Компартиясы Семей обкомының әкімшілік органдары бөлімінің нусқаушысы. 1986 жылдан - Қазақстан Компартиясы Семей обкомының бірінші хатшысының көмекшісі. 1990 жылдан - Семей облыстық халық депутаттары кеңесі аппаратының жетекшісі. 1992 жылдан - Семей қалалық әкімшілігі басшысының орынбасары. 1994 жылдан - Алматы телекоммуникация кәсіпорны бас директорының бірінші орынбасары.1997 жылдан - ҚР Премьер-министрі Кеңсесінің Мемлекеттік қызмет, кадрлар және бақылау бөлімінің бас инспекторы. 1998 жылдан - ҚР Премьер-министрі Хатшылығының бас инспекторы; ҚР Премьер-министрі Кеңсесінің ұйымдастыру, бақылау және қауіпсіздік бөлімінің бас инспекторы. 1999 жылдан - ҚР Премьер-министрі Кеңсесінің Аймақтық даму және әлеуметтік сала бөлімінің бас инспекторы. 2001 жылдан - ҚР Премьер-министрі Кеңсесінің Аймақтық даму бөлімінің бас инспекторы. 2004 жылдан бері - ҚР Премьер-министрі Кеңсесінің Ұйымдастыру жұмысы және аумақтық даму бөлімінің меңгерушісі. Семей облыстық Халық депутаттары кеңесінің депутаты (1992-1994), өзін-өзі үсынған. «Қазақстан Республикасының тәуелсіздігіне 10 жыл» (2001), «Қазақстан Конституциясына Южыл» (2005), «Ерен еңбегі үшін» (2006) медальдарымен, ҚазКСР Жоғарғы Кеңесінің Құрмет грамотасымен марапатталған (1991). Әскери атағы - запастығы полковник. Саяси қайраткер ретіндегі идеалы - Н.Ә. Назарбаев, Ф.Д. Рузвельт. Қазақстанның болашағы туралы болжамы - «Қазақстан әлемнің жоғары моралі, этикалық стандарттары жене рухани құндылықтары бар, экономикалық тұрғыдан дамыған және гүлденіп-өркендеген елдерінің қатарында болады». Хоббиі - тау шаңғысы, волейбол. Сүйіп оқитын әдебиеті - орыстың және қазақтың классикалық әдебиеті, Шығыс поэзиясы, шетел классикасы. Үйленген. Жұбайы - Райымбекова Гүлзия, шетел компаниясында менеджер. Ұлы - Райымбеков Рүстем (1974 жылы туған); қызы - Райымбекова Еңлік (1977 жылы туған).[1]

Дереккөздер[өңдеу | қайнарын өңдеу]

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2