Райымбек батыр даңғылы (Алматы)

Уикипедия — ашық энциклопедиясынан алынған мәлімет
Jump to navigation Jump to search
Райымбек.jpg
Райымбек батыр даңғылымен Разыбақиев көшесінің көлік түйіні


Райымбек атындағы даңғыл (Алматы) — даңғылға қазақ батыры, XVIII ғасырдың орта шенінде жоңғарларға қарсы шайқасты басқарған, ірі қолбасшы Райымбек Қангелдіұлының есімі (Алматы қаласы әкімінің 17.07.1990 №17/442Б шешімі) берілген.Райымбек Қангелдіұлының (1705-1780) Алматы облысы Нарынқол аймағында дүниеге келген. Ұлы жүздің Албан руынан шыққан. Отыз жыл аттан түспестен қас батыр халық арасында әулие аталды. Жауға шапқан ерлер «Райымбек» деп ұрандаған. Даңғылдың Медеу, Алмалы, Әуезов, Жетісу аудандарын қиып өтеді. Даңғыл Алматы қаласындағы ең ірі магистраль болып саналады. Ол қаланың шығысынан батысына қарай кіші Алматы өзені маңынан басталып, қалааралық күре жолға барып жалғасады. Бұрынғы атаулары: Ташкентская; Октябрдің 50 жылдығы. Даңғылдың ұзындығы - 13000 метр. Даңғыл бойында Алматы-2 темір жол вокзалы, Жамбыл технология университетінің Алматы филиалы, т.б. мекемелер орналасқан.[1]

Дереккөздер[өңдеу]

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0