Ракетаны басқару жүйесі

Ракетаны басқару жүйесі — берілген траектория бойынша ракетаның ұшуын қамтамасыз ететін барлық құрылғылар мен құрал-жабдықтардың жиынтығы. Ракетаны басқару жүйесіне радиотехникалық құрал-жабдықтар, сонымен бірге радиолокациялық станциялар, есептеу-шешу құрылғылары, тұрақтандырушы, басқарушы, ақпараттық және де басқа құрылғылар кіреді.

Ракетаның өзі басқару жүйесінің элементтерінің бірі болып табылады, басқа элементтер ракетаны ұшыру орнында (жерде, кемеде, ұшақта), нысананың өзінде және т.б.болуы мүмкін. Арнайы техникалық құралдар арқылы ракетаны ұшыру шарттарын, нысанаға қатысты оның ұшу жағдайын анықтау және оның нысанаға дәл тиюін қамтамасыз ету міндетіне сай ракета траекториясына қажетті түзетулер енгізу кез келген ракетаны басқару жүйесі жұмысының негізгі мәні болып келеді.

Ракетаны басқару жүйесі автоматты түрде кажетті өлшемдер жасауға және ракетаны бағыттаудағы (ауытқу биіктігін) қателіктерді азайтуда басқару пөрмендерін жасауға мүмкіндік береді. Барлық ракетаны басқару жүйесі ракетаның тактикалық мақсатына, нысаналардың алыстығы мен сипатына байланысты әрекет ету принципі бойынша негізгі үш топка бөлінеді: телебасқару жүйесі, дербес басқару жүйесі және өздігінен бағыттау жүйесі. Аталғандардан басқа аралас ракетаны басқару жүйесі қолданылады. Баллистикалық және қанатты ракеталардың басқару жүйелерінің жұмыстарында негізді айырмашылыктар бар. Баллистикалық, ракеталардың ұшу қашықтығын басқару, әдетте, қозғалтқышты сөндіру арқылы жүзеге асырылады, ал қанатты ракетаның ұшу қашықтығы биіктік рөліне пормен берумен өзгертіледі.