Рамадан (ру)

Уикипедия — ашық энциклопедиясынан алынған мәлімет
Jump to navigation Jump to search
Рамадан
Шөміш, көсеу, босаға
Ұраны Дулат, Қайғұлым
Лақап атауы
Шығу тегі ?
Жүзі Кіші жүз
Тайпасы  Жетіру
Бөлімдері   балғалы,тасжарған
Тараулары    Алатай,Мұсақ,Тастан
Ақсақалы Нұраддин
Қыстаулары Батыс Қазақстан
Жайлаулары жайық маңы
Веб-торабы ?


Рамадан — (араб.: رمضان‎ — рамадан, ислам күнтізбесінің 9-шы айы) Кіші жүздің Жетіру бірлестігіне кіреді. Осы рудан қазақтың ертегілеріндегі кейіпкер Алдар Көсе шыққан.

Шығу тегі[өңдеу]

Бек Арыс → Ордаш → Мөңке би → Сармырза → Қоғам → Алшын батыр → Арғымақ, Алау батыр(шын аты Тұлпар); Арғымақ → Телеу мырза, Рамадан, Сәдір, Нәдір; Алау батыр → Қыдуар тентек, Құдаһияр, Сәду(Жағалбайлы);

Ерте кезеңдегі Рамадан руы туралы біздің қолымызда тарихи дерек жоқ. Ол туралы алғаш рет Кіші жүз руларының 1748 жылы А. Тевкелев жасаған тізімінде айтылады. Содан соң ол А. Левшиннің деректері мен басқа да материалдарда кездеседі. Жорамалдау тұрғысынан болса да туыстық байланыстарды, демек, ішінара рудың шығу тегі мәселесін де анықтауға мүмкіндік беретін бірденбір нәрсе таңба мен ұран болып табылады. Рамадан руының таңбасы ( )(Гродеков пен Тынышбаев бойынша), ұраны «Дулат». Бұл таңбаны қарау бізді Ұлы жүзге әкеледі, онда дулат және албан тайпаларының кейбір руларындағы таңба Рамадан руының таңбасымен өте ұқсас. Оның үстіне Рамадан руы ұранының Дулат аталуы да дулаттардың немесе оларға туыс албандардың әлдебір бөлігі бөлініп, қазіргі Қазақстанның батысына барған да, содан соң Кіші жүздің құрамына дербес ру ретінде кірген, сөйтіп өз атабабаларының таңбасын, ұран ретінде Дулат атын сақтап қалған болуы мүмкін деген жорамал болуы ықтимал және мұның бірліжарым жағдай емес екенін Кіші жүздің басқа бір өте ірі руы Табын руының құрылу тарихы растайды.