Рамазан Тұяқұлы Нұртаев

Рамазан Тұяқұлы Нұртаев 1948 жылы 28 шілдеде Ақмола қаласында туған. Қазақ. Әкесі - Нұртаев Тұяқ, марқұм. Анасы - Нұртаева Хабиба, марқұм. С.М. Киров атындағы Қазақ мемлекеттік университетінің заң факультетін бітірген (1973), мамандығы - «Құқықтану». Заң ғылымдарының кандидаты (1984), докторы (1993). Докторлық диссертациясының тақырыбы: «Қылмыстардың абайсыз жасалған түрлеріне қарсы күрес: әлеуметтік және құқықтық проблемалар». ҚазМЗИ профессоры (1998 жылдан). Әлеуметтік ғылымдар академиясының академигі (2002 жылдан). «Жазаның криминологиялық және қылмыстық-құқықтық проблемалары» (Алматы, 1983); «Қылмысқа қарсы күреске нандыру және мәжбүрлеу» (Алматы, 1989) монографияларының авторы; «Қылмыстардың абайсыз жасалған түрлеріне қарсы күрес: тиімділік проблемалары» (Алматы, 1990), «Абайсыз жасалған қылмыстылық әлеуметтануы» Қарағанды, 1991) көмекші оқу құралдарының авторы. 64 мақаланың, оның ішінде «Абайсыз қылмыс субъектісінің арнайы есі дұрыстығының проблемалары» (1983), «Абайсыз қылмыстар үшін қылмыстық жазаға тартылу кезіндегі жәбірленушінің кінәсін ескеру» (1984), «Өнеркәсіп саласындағы абайсыз қылмыстарға қарсы күрес нәтижелілігінің мәселелері» (1985), Лауазымдық абайсыздыққа қарсы күрес тиімділігінің мәселелері» (Қарағанды, 1986), «Қылмыстық абайсыздыққа ықпал ету шараларының тиімділігінің мәселелері» (Мәскеу, 1986), «Абайсыз қылмыстардың мотивтері және олардың қылмыстық жауапкершілікке тартудағы маңызы және жазаны тағайындау» (1990), «Қылмыстық абайсыздық әлеуметтануының проблемалары» (1990), «Қылмыстылық пен аморализмнің дамуымен қоғамдағы дағдарыстық кұбылыстардың өзара байланысының мәселелері туралы» (Қарағанды, 1992) және басқа да көптеген мақалалардың авторы. Қазақ, орыс және неміс (сөздіктің көмегімен) тілдерін біледі. 1963 жылдың қыркүйек айынан 1965 жылдың қыркүйек айына дейін - «Жақсы» кеңшарының 2 бөлімшесінде түрлі жұмыстарды атқарушы, токарь. 1968 жылдың қаңтар айынан шілде айына дейін - «Тыңауалмаш» зауытының 3-МЖЦ токарі. 1968 жылдың тамыз айынан - С.М. Кирон атындағы Қазақ мемлекеттік университетінің студенті 1973 жылдың шілде айынан - Көкшетау облысы Володар аудандық прокуратурасының тергеушісі. 1976 жылдың шілде айынан - Қарағанды мемлекеттік университеті қылмыстық құқық кафедрасының дәріскері, доценті. 1993 жылдың қараша айынан - Абай атындағы АМУ қылмыстық құқық кафедрасының меңгерушісі. 1997 жылдың шілде айынан бері - ҚазМЗУ прокурорлық-тергеу факультетінің деканы, қылмыстық құқық кафедрасының меңгерушісі. 2003 жылдан - ҚазМЗУ қылмыстық-құқықтық пәндер кафедрасының меңгерушісі. ҚР Жоғарғы соты жанындағы ғылыми-консультациялық кеңестің мүшесі. Діни көзқарасы - ислам. Қазақстанның болашағы туралы болжамы - «Қазіргі уақытта республикамызда қалыптасқан әлеуметтік-экономикалық және саяси жағдайды сауықтыру және жақсарту мүдделерінде саяси ерікті күшейту және заң күшін оңтайлы пайдалану жолымен сыбайлас жемқорлыққа қарсы күресті күшейту қажет. Заң жобалары мен басқа да нормативті құқықтық актілердің де, әрекеттегі заңнаманың да сыбайлас жемқорлыққа қарсы сараптамасын міндетті түрде жүргізудің ережелерін бекіту туралы Заңды қабылдау үдерісін жылдамдату қажет. Шетелдік мемлекеттердің оң тәжірибесін ескере отырып, мемлекеттік аппаратты модернизациялау мен реформалауды жүзеге асыру қажет». Хоббиі - фундаменталдық заң ғылымымен айналысу. Сүйіп оқитын әдебиеті - «Орыс және қазақ тілдерінде жазылған классикалық әдебиетпен, мойындалған классик термен және Нобель жүлдегерлерінің шығармаларымен әуестенемін, барлығын оқуға тырысамын». Үйленген. Жұбайы - Нұртаева Несібелді Жұмабекқызы, Абай атындағы ҚазҰПУ шет тілдер кафедрасының доценті Ұлдары - Дәурен, консалтинг фирмасында заңгер; Ерден, Абай атындағы ҚазҰПУ аспиранты.