Рапалло шарты (1920)

Уикипедия — ашық энциклопедиясынан алынған мәлімет
Jump to navigation Jump to search

Рапалло шарты 1920 жылғыИталия мен сербтер, хорваттар, словендер корольдығы (1929 жылдан Югославия) арасындағы шекара жөніндегі шарт; 12 қаңтар Рапаллода (Rapallo, Италия) қол қойылды. Рапалло шарты бойынша Италия Далмацияны алу жөніндегі талабынан бас тартты. Екі мемлекет арасындағы шекара Соча мен Сава өздерінің су айырықтары бойынша белгіленді. Құлаған Габсбургтер империясынан бүкіл Истрия (Триест, Пуламен қоса) түгел дерлік, Опатия, Црес, Лошинь, Ластово аралдары мен Далмация жағалауындағы Палагружа Италияға берілді. Зара (Задар) порты Италия суверенитетіндегі ерікті қала деп жарияланды. Риека округы бейтарап территорияның шағын бөлігімен қоса «тәуелсіз мемлекет» деп танылды.Рапалло шарты бойынша, Италияға жерінің 70%-ін славяндар мекендеген территориялар қарады. Ал Париж бітім шарты (1947) бойынша бұл территориялар (Триестен басқасы) Югосла вияға берілді.[1]

Дереккөздер[өңдеу]

  1. Қазақ Совет Энциклопедиясы, 9том