Рауан Бейсенұлы

Уикипедия — ашық энциклопедиясынан алынған мәлімет
Jump to navigation Jump to search

Рауан Бейсенұлы - театр артисті. Ол 1996-1999 жылдары Мұқан Төлебаев атындағы саз колледждің «Театр өнері» бөлімін профессор Д.Тұранқұлованың класына қабылданды. Актер шеберлігі, сахна тілі пәндерінен профессор М.С. Омарбаева, А. Айтибаев, аға оқытушы М. Алепаровадан дәріс алды.
2001 жылдан бастап «Дариға-ай» жастар театрына қабылданды. Қазіргі кезде ол Қазақстан Театр қайраткерлері Одағының мүшесі.

  • Сахнада ойнаған негізгі рольдері:
  • Д. Исабеков «Есепшот, домино және түйетауық» - Ботбай;
  • М. Шаханов «Танакөз» - Мұрат;
  • Ж.Б. Мольер «Сараң» - Вальер, Ансельм;
  • М. Хасенов «Пай, пай, жас жұбайлар-ай» - Багратион;
  • Г. Горин «Ұмытыңдар Геростратты» - Тисоферн; К. Тоқаев «Солдат кетті соғысқа» - Власов;
  • Р. Куни «№99» - Ричард Уилли;
  • Р. Киплинг «Алаулаған қызыл гүл» - Балу;
  • Р. Кунидің «№99» спекталіндегі - Ричард Уиллидің
  • М. Рахимжанов «Әміре – аяқталмаған ән» - театр директоры, Губком өкілі
  • Ә.Тауасаров «Махаббат аралы» - Орманшы.

Сатиралық образдарды сәтті шығарғаны үшін Республикалық «Тазша бала» байқауында лауреат атанды. Д. Исабековтың «Есепшот, түйетауық, домино» спектакліндегі Ботбай образы ерекше сатиралық сарказммен, әжуа мысқылмен шебер жасалған. 2013 жылы Әміре Қашаубаевтың 125 жылдығы қарсаңында Астана қалалық Тілдерді дамыту басқармасының алғыс хатымен, Бүкіләлемдік театр күніне орай театр әкімшілігінің мақтау қағазымен марапатталды. 2014 жылы Халықаралық театр күні қарсаңында «Ең үздік ер адам ролі» номинациясы бойынша Облыстық мәдениет басқармасының дипломымен марапатталды.

Кәсіби шеберлігін жетілдіру мақсатында актер, режиссер, Қазақстанның халық әртісі Тұңғышбай Жаманқұлов, профессор Дариға Тұранқұлқызы, белгілі режиссер, Қазақстан Республикасының Еңбек сіңірген қайраткері Нұрлан Жұманиязов, режиссер Жұлдызбек Жұманбай сынды өнер қайраткерлерінің шеберлік кластарының дәрістерін, тәжірибелік білімдерін тыңдады.

[1]

  1. http://www.teatr.semstar.com/dariga-aj/bejsenlyi-rauan.html