Раушаннық жасыл биті

Раушаннық ЖАСЫЛ БИТІ^[1] (Macrosіphum rosae) — өсімдік зиянкесі; ірі, жасыл түсті, жылтыр, кейде күрең түсті, құйрығы ұзынша келген қылыш тәрізді жәндік. Қазақстанда кең таралған. Жұмыртқалары бір жылдық өркендерде қыстайды. Дернәсілдері көктемде, сәуір айында шығып, жас бүршіктерді зақымдаса, ересек биттері жапырақтардың, гүл шанақтарының, өркендердің сөлін сорып, зиян келтіреді. Зақымданған жапырақтар ширатылып, өркендері бұратылып, гүл шанақтары ашылмай қалады. Биттердің саны жаздың 2-жартысында күрт көбейеді, жылына 4 — 7 ұрпақ беріп дамиды. Күресу шаралары: өсімдіктерге 4 пайыздық сабын ерітіндісін немесе қолдануға рұқсат етілген инсектицидтер бүркеді.