Рахмет Иманғалиев

Уикипедия — ашық энциклопедиясынан алынған мәлімет
Навигацияға өту Іздеуге өту

Рахмет Иманғалиев

1933 жылы 14 наурызда Гурьев облысы, Теңіз ауданы, Нұржау ауыл кеңесінде туған. Қазақ.

Әкесі - Ыдрысов Иманғали (1892-1973), ҰОС қатысқан. Анасы - Ыдрысова Тәжхан Ахметқызы (1897-1976), сауыншы болған.

Гурьев педагогикалық институтының филология факультетін (1954) қазақ тілі және әдебиет пәнініңің оқытушысы мамандығы бойынша; С.М. Киров атындағы Қазақ мемлекеттік университетінің журналистика факультетін (1968) журналист мамандығы бойынша бітірген.

«Мыңтарау» (1980), «Жастық жоғалмайды» (1982) очерктерінің; «Тас түлек» (1990), «Рахмет» (2002), «Қолтаңба» (2003), «Нарын-шежіре» (2006, 2008), «Ұлы көштің ұрпақтары» (2007) кітаптарының; 2000-ден астам мақалалардың авторы.

Қазақ және орыс тілдерін біледі.

КОКП мүшесі (1962-1991).

1954 жылдан - Гурьев облысы Деңгіз ауданының ОМ оқытушысы. 1963 жылдан - «Ленин жолы» аудандық газеті редакциясының бөлім меңгерушісі . 1970-2008 жылдары - Гурьев (Атырау қаласы) облысының Құрманғазы және Исатай аудандары бойынша «Атырау» Гурьев (Атырау) облыстық газетінің меншікті тілшісі. КСРО Журналистер одағының мүшесі (1958).

«Ерен еңбегі үшін. В.И. Лениннің туғанына 100 жыл толуы құрметіне» (1970), «Еңбек ардагері» (1993), «Қазақстан Республикасының тәуелсіздігіне 10 жыл» (2001), «Тыңға 50 жыл» (2005) медальдарымен, құрмет грамоталарымен (1958, 1993, 2003) марапатталған.

ҚР Журналистер одағы сыйлығының лауреаты. ҚазКСР Еңбек сіңірген мәдениет қызметкері (1983).

Діни көзқарасы - мұсылман.

Саяси қайраткер ретіндегі идеалы - «Саясаткер емес».

Хоббиі - кітап оқу.

Үйленген. Жұбайы - Иманғалиева Күлсекен Бақтығалиқызы (1936 жылы туған), зейнеткер, аудандық ауруханада мейірбике болған. Қыздары - Гүлбадан (1957 жылы туған), Дораш (1960 жылы туған), Данаш (1964 жылы туған), Айгүл (1965 жылы туған), Бибігүль (1967 жылы туған), Назгүл (1972 жылы туған); ұлдары - Арынғазы (1962 жылы туған), Абылғазы (1969 жылы туған), Байғазы (1974 жылы туған), Балағазы (1980 жылы туған).[1]

Дереккөздер[өңдеу | қайнарын өңдеу]

  1. Қазақстан Республикасында Кімнің Кім екені - 2011. 2 томдық анықтамалық. Алматы, 2011 ІSВN 978-601-278-473-2