Рақымжан Елешұлы Елешев

Уикипедия — ашық энциклопедиясынан алынған мәлімет
Jump to navigation Jump to search

Рақымжан Елешұлы Елешев 1938 жылы 13 маусымда [Батыс Қазақстан облысы] Қаратөбе ауданының «Саралжын» кеңшарында туған. Қазақ. Әкесі - Әлібаев Елеш, марқұм. Анасы - Әлібаева Ұрқия, марқұм. Абай атындағы Қазақ педагогикалық институтының химия-биология факультетін (1961) [биология], [химия] пәндерінің мұғалімі мамандығы бойынша; Қазақ ауыл шаруашылығы институтының агрономдық факультетін (1967) ғалым агроном мамандығы бойынша бітірген. Ауыл шаруашылығы ғылымдарының кандидаты (1968), докторы (1984). Докторлық диссертациясының тақырыбы: «Қазақстан топырағының фосфаттық режимі және реттеу әдістері». Қазақ ұлттық аграрлық университетінің профессоры (1985). БААШҒЗЗ (1994), Мәскеу қаласындағы Халықаралық білім беру академиясының (1995), Алматы қаласындағы ҚР ҰҒА (1996), Алматы қаласындағы Қазақстан жоғары мектебі ҒА (2002) академигі. 285-ден астам ғылыми еңбектің, оның ішінде 7 монографияның, жоғары оқу орындарына арналған 9 оқулық пен оқу құралының авторы. Әр түрлі басылымдардағы тыңайтқыштарды қолдану және топырактың құнарлылығын қалпына келтіру проблемалары жөніндегі 250-ден астам ғылыми мақалалардың авторы. Фосфаттардың топырақтағы жылжымалылығын талдаудың жаңа әдістерін жасау жөніндегі патенті бар (Ульрих әдісін түрлендіру, 1991).

Қазақ, орыс және неміс тілдерін біледі. КОКП мүшесі (1968-1991). 1971 жылдан - Қазақ ауыл шаруашылық институтының доценті, профессоры. 1972-1985 жылдары - Қазақ ауыл шаруашылық институтының топырақ-агрохимия факультетінің деканы. 1986-1993 жылдары - Қазақ ауыл шаруашылығы институтының ғылыми жұмыстар жөніндегі проректоры. 1993 жылдан - Қазақ ауыл шаруашылық институтының бірінші проректоры. 1998 жылдан бері - Қазақ ұлттық аграрлық университетінің жанындағы Агробиология және экология ҒЗИ директоры, осымен бір мерзімде агрохимия және топырақтану кафедрасының меңгерушісі. КСРО ЖАК Сараптаушы кеңесінің мүшесі (1986-1990). ҚР ЖАК Сараптаушы кеңесінің мүшесі (1993-2000), ҚР ЖАК төралқасының, Сараптаушы кеңесінің төрағасы (2000-2003), ҚазҰБА жанындағы Диссертациялық кеңесінің төрағасы (2004).

Марапаттары[өңдеу]

КСРО Мемлекеттік, А.И. Бараев атындағы (2000), «Агрохимия және тыңайтқыш қолдану жүйесі» оқулығы үшін А. Байтұрсынов атындағы (2003) сыйлықтарының лауреаты. «Құрмет» (2005) орденімен; «Ерен еңбегі үшін. Лениннің туғанына 100 жыл толуы құрметіне» (1970), «Тыңжерлорді игеру» (1979, 2004), «Еңбек ардагері» (1989, 2001), «ҚС Еңбек сіңірген ғылым қайраткері», «Қазақстан ғылымын дамытуға қосқан үлесі үшін» (ҚР ЖАК 10 жылдық мерейтойы құрметіне), «Ғылыми еңбектер кешені және ауыл шаруашылығы ғылымдарын дамытуға қосқан үлесі үшін» (1990), «Астананың 10 жылдығы» (2008), А.И. Бараевтың 100 жылдығына орай медапьдарымен марапаттапған (2008)

  • Әскери атағы - кіші лейтенант.
  • Қазақстанның болашағы туралы болжамы - «Қазақстан жуырдағы 5 жылдың ішінде БСҰ-на және әлемдік кеңістіктегі жетекші мемлекеттер құрамына енуі керек деп ойлаймын».
  • Хоббиі - кітап оқығанды жақсы көремін.
  • Сүйіп оқитын әдебиеті - тарихи кітаптар.
  • Үйленген. Жұбайы - Айтхожаева Тұрғанай, химия ғылымдарының кандидаты, доцент. Ұлы - Елешев М.Р.

ақпараттық технологиялар институтының директоры, қызы - Елешева А.Р., ҚМЭБИ студенті.[1]

Дереккөздер[өңдеу]

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2