Рентгенкүйлік талдау

Уикипедия — ашық энциклопедиясынан алынған мәлімет
Jump to navigation Jump to search

Рентгенкүйлік талдау[1] — заттардың кристалдық үлгілерінің фазалық құрамын рентген сәулелерінің көмегімен сандық және сапалық жағынан анықтау әдісі. Рентгенкүйлік талдауда үлгідегі затты энергиясы жоғары электрондармен немесе рентген сәулелерімен атқылап, одан шығатын сәулені кристалдан өткізіп дифракциялайды. Алынатын рентгендік көрініс үлгідегі барлық фазалардың рентген сызықтарының қосындысы болып табылады. Сапалық Рентгенкүйлік талдау зерттелетін заттың фазалық құрамы туралы мағлұматты пайдаланып, қоспаны құраушылардың рентгендік дифракциядағы сызықтарының салыстырмалы пайыздық мөлшерін шығарады. Мыс., ақ қалайыдағы сұр қалайы 10% болғанда білінеді. Сандық Рентгенкүйлік талдауда үлгідегі заттың рентген сызықтары таза құраушылар араласқан эталонмен салыстырылып алынады. Рентгенкүйлік талдау металл, қорытпа, шыны, цемент, пластмасса, т.б. құрамы күрделі материалдардағы 12Mg-ден 92U-ға дейінгі элементтерді, сол сияқты металлургия мен геологияда макро, микроқұраушыларды анықтауда қолданылады.

Дереккөздер[өңдеу]

  1. Қазақша энциклопедия 7 том.

Толықтыру[өңдеу]