Республикалық қосымша білім беру оқу-әдістемелік орталығы
(Республикалық оқушылар сарайы бетінен бағытталды)
Республикалық қосымша білім беру оқу-әдістемелік орталығы — оқушылар мен жастарға мектептен тыс қосымша білім беретін оқу-әдістемелік орталық.
- 1983 жылы Республикалық пионерлер сарайы болып ашылған.
- 1996 жылы “Республикалық оқушылар сарайы” республикалық мемлекеттік қазыналық кәсіпорын болып қайта құрылды. Орталықта 212 адам жұмыс істейді, олардың ішінде 106 педагог 272 үйірмеде балаларға қосымша білім береді. Үйірме, клуб, секцияларға 7000-нан астам бала қатысса, ауыспалы контингенте (концерт залы, планетарий, мұражай, су алабы, түрлі мерекелер мен іс-шаралар) 60000-нан астам бала қамтылады. Сарай кешені 12 павильоннан, 80-нен астам ғимараттан, 760 орындық концерт залынан тұрады. Бұған қоса орталық елдегі мектептен тыс ұйымдарды ортақ дидактикалық, бағдарламалық және әдістемелік материалдармен қамтамасыз етіп отырады. Мұнда әр түрлі саладағы әдіскерлер мен педагогтардың біліктілігін көтеру курстар мен семинарлар, тәжірибе алмасулар өтеді. Орталықтан “Планета детства” газеті шығады.
2004 жылғы 28 сәуірде мекеме атауы “Республикалық қосымша білім беру оқу-әдістемелік орталығы” болып өзгерді.[1]
Сілтемелер[өңдеу | қайнарын өңдеу]
"Қазақ Энциклопедиясы", 7 том
Дереккөздер[өңдеу | қайнарын өңдеу]
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005. ISBN 9965-26-095-8
 | Бұл мақаланы Уикипедия сапа талаптарына лайықты болуы үшін уикилендіру қажет. |