Ретранслятор

Уикипедия — ашық энциклопедиясынан алынған мәлімет
Jump to navigation Jump to search

Ретранслятор (лат. translator -тасымалдаушы) — үлкен қашықтықтарда бір бірінен алыс орналасқан екі немесе одан да көп радиотаратқыштарды байланыстыратын байланыс жабдығы.

  1. Активті ретранслятор — байланыс жасаушы екі пункт арасында жыл-жымалы немесе жылжымайтын етіп орналастырылып, байланыс жасалатын негізгі радиосигналды қабылдауға және оны күшейтіп әрі қарай бағыттауға арналған қабылдаушы-беруші радиостанция. Космонавтикада радиоқабылдағышпен, радиотаратқышпен және олардың энергия көздерімен, тиісті антеннамен жабдықталған жер серіктік ретранслятор ретінде пайдаланылады;
  2. Пассивтік ретранслятор — негізгі сигналды күшейтпей шағылдыру арқылы оның бағытын өзгертуге арналған, өткізгіштен жасалған айналар, антенналар және басқа жазықтықтар. Оның қатарына металдардың буынан тұратын бұлт, ғарышқа орналастырылған мыс, инелер белбеуі, жер серіктеріне орналастырылған шағылдырғыштар жатады.[1]

Ретрансляция аралық пункттерде (ретрансляторларда) сигналдарды қабылдау, оларды күшейту және басқа аралық немесе соңғы пункттерге беру. Ол байланыс қашықтығын ұлғайту үшін колданылады. Сигналдар қандай түрде қабылданса сол түрде күшейтіп қана беретін Ретрансляция және сигналдарды беру кезінде пайда болған қателіктерді түзетіп қайта өңдейтін регенеративті Ретрансляция болып бөлінеді. Сигналдарды ретрансляциялау жылдам немесе кідіріспен жүзеге асырылуы мүмкін (сигнал арнайы құрылғы жадында сақталып және алдын ала қарастырылған уақытта әрі қарай беріледі).[2]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Электроника, радиотехника және байланыс. — Алматы: «Мектеп» баспасы, 2007 ISBN 9965-36-448-6
  2. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001