Рихард Меллер-Нильсен

Рихард Мёллер-Нильсен
Жалпы мағлұмат
Туған күні	19 тамыз 1937 (1937-08-19)
Туған жері	Убберуд, Оденсе, Дания
Қайтыс болған күні	13 ақпан 2014 (2014-02-13) (76 жас)
Азаматтығы	Дания
Позиция	қорғаушы
Ұлттық құрамы 1960 Дания 2 (0) Бапкерлік карьерасы 1962—1963 Бробюверк ИФ 1964—1967 Оденсе 1968—1969 Эсбьерг 1969—1974 Свендборг 1974—1975 Б 1909 1975—1985 Оденсе 1978—1989 Дания-21 1987—1990 Дания асс 1990—1996 Дания 1996—2000 Финляндия 2000—2002 Израиль 2003 Кольдинг

Рихард Мёллер-Нильсен (дат. Richard Møller Nielsen; 19 тамыз 1937, Убберуд, Оденсе — 13 ақпан 2014, Оденсе) — даниялық футболшы, футбол жаттықтырушысы.

Дания құрамасы

1990 жылы Зепп Пионтектің орнына Дания Ұлттық құрамасының жаттықтырушысы боп тағайындалды. Ә дегенде ойыншылармен қарым-қатынасы жақсы болмай, көпшілік наразылық танытты, бірақ ЕУРО-1992 турнирінің іріктеуінде біртіндеп күш ала бастады. Дегенмен топта Югославиядан кейін екінші орында қалып, финалдық кезеңге жолдама ала алмады.

Данияның бақытына орай, БҰҰ Югославия құрамасына санкция жариялады да, олар ЕУРО-1992-ге бара алмайтын болып, орнына Дания жіберілді. Чемпионатқа бірнеше күн қалғанда үйін күрделі жөндеуден өткізіп жатқан Рихард Меллер ойыншыларын түгел жинауға үлгермей, турнир өтетін Швецияға асығыс аттанды.

Турнир барысында Дания оншалық жарқырамады, алғашқы екі кездесуде бір ғана ұпай жинады. Тек үшінші турда күтпеген жерде Францияны 2:1 есебімен ұтып кетті де, жартылай финалға жолдама алды. Жартылай финалда азуы алты қарыс Нидерланд да қапы қалды (Дания пенальтилер арқылы жеңіске жетті). Ал финалда Германияны 2:0 есебімен ұтып, Еуропа чемпионы атанды.

Жыл соңында Рихард "Жыл жаттықтырушысы" номинациясының жеңімпазы атанды.

ӘЧ-1994 іріктеуінде де Дания жақсы ойнады, бірақ шешуші кезеңге өте алмады. 1995 жылғы Конфедерациялар кубогында Дания тағы да жеңімпаз атанды.

Ал 1996 жылғы Еуропа чемпионатында топтық кезеңнен аса алмай, турнирден соң Рихард қызметтен кетті.

Кейінгі карьерасында Израиль, Финляндия құрамаларын жаттықтырды, алайда есте қаларлық нәтиже көрсете алмады.

Жетістіктері

Командалық

Бапкер ретінде

Оденсе

• Дания чемпионы: 1977, 1982
• Дания кубогы: 1983

Дания

• Еуропа чемпионы: 1992
• Конфедерациялар кубогы: 1995

Жеке

• Жыл бапкері: 1992

Сілтемелер

• Профилі