Роза Исламқызы Әлиева

Роза Исламқызы Әлиева - 1963 жылы 1 маусымда Армян КСР-інде туған. Әзірбайжан. Кооперативтік техникумды (Павлодар қ., 1991) тауар- танушы мамандығы бойынша; Е.А. Бөкетов атындағы Қарағанды мемлекеттік университетін (1995), «Тауар жәнe қызмет нарығындағы коммерциялық қызмет» мамандығы бойынша бітірген. Әзірбайжан, орыс, армян, түрік, қазақ және ағылшын тілдерін біледі. 1991 жылдан - Павлодар облысының Ильичев аудандық тағам саудасы мекемесінде гастроном - мекеме директоры. 1993 жылдан бері - «Азор» фирма» ЖШС бас директоры (Павлодар қ.). ҚР Іскер әйелдер қауымдастығының, Қазақстан Кәсіпкерлер форумы кеңесінің мүшесі. Белсенді қайырымдылық қызметпен айналысады, атап айтқанда «Мұрагер» пансионатына, балалар үйіне, жалғыз басты зейнеткерлерге, қариялар үйіне көмек көрсетеді. Павлодар қаласының іскер әйелдері арасында ең үздігі деп танылған (2004). Ол басшылық етіп отырған кәсіпорын «Сібір-Шығыс» халықаралық көрмесінде «Үздік өндіруші» дипломымен (Новосібір қ., 1999), «Қараөткел-2002» халықаралық көрме-жәрмеңкесінде «Шығарылатын өнімнің жоғары сапасы үшін» дипломымен; республикалық сайыста «2004 жылдағы Қазақстанның үздіктауарлары» сертификатымен; «Тиімді дамушы кәсіпорын» номинациясындағы «Алтын жамбы» сыйлығымен (Цюрих қ., 2005-2006); «Сапа үшін» халықаралық Еуропа сыйлығымен (2008 жыл, қараша, Мадрид қ.) марапатталған. Діни көзқарасы - мұсылман. Хоббиі - йога, антикварлық заттарды жинау. Сүйіп оқитын әдебиеті - О. Хайям, Н. Гянджеви, Физули. Қызы - Сафура (1982 ж. т.); ұлы - Орхан (1983 ж. т.).