Руденко Сергей Иванович

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Руденко Сергей Иванович (28.1.1885, Харьков — 16.7.1969, Санкт-Петербург) — археолог, антрополог, этнограф, гидрогеолог. Технология ғылымының докторы (1945), Ленинград университетінің профессоры (1921 — 54). 1942 жылдан КСРО ҒА-ның археологиялық институтының аға ғылыми қызметкері, 1957 жылдан Ютланд археологиялық қоғамының мүшесі, 1962 жылдан Бүкілодақтық географиялық қоғамының құрметті мүшесі, 1966 жылдан Германия (ГФР) археологиялық институтының мүшесі. Руденко Еділ бойы мен Солтүстік-батыс Сібір халықтарының этнографиясын, археологиясы мен антропологиясын зерттеген. Байқал сыртын, Алтайды, Қазақстанды зерттеген кешенді экспедцияларды басқарды. Оның Таулы Алтайдағы ежелгі дәуір ескерткіштеріне жүргізген зерттеулерінің маңызы зор. 1964 ж. Руденко Бүкілодақтық география қоғамының П.П. Семенов-Тян-Шанский атындағы алтын медалімен марапатталған.

[1] [2] [3] [4] [5]

Пайдаланылған әдебиеттер:[өңдеу]

  1. Қазақ энциклопедиясы, 7 - том
  2. Очерк быта северо-восточных казахов. //Казаки, Л., 1930;
  3. Второй Пазырыкский курган, Л., 1948;
  4. Культура населения Горного Алтая в скифское время, М.—Л., 1953;
  5. Искусство Алтая и Передней Азии (середина 1 тыс. до н. э.). М., 1961.