Рур тас көмір алабы

Рур тас көмір алабы, Төменгі Рейн-Вестфалия тас көмір алабы — Германияның солтүстігінде орналасқан Батыс [[]Еуропа]дағы ең ірі тас көмір алаптарының бірі. Алап Төменгі Рейннің оң жағалауы (салалары Рур, Эмшер, Липпе өзендері) мен сол жағалауының аздаған бөлігін алып жатыр. Рур тас көмір алабының жалпы ауданы 4500 км². Алаптың ұзындығы батыстан шығысқа қарай 140 км-ге созылған. Жалпы геологиялық қоры — 213,6 млрд. т (1972). Онда Германияның барлық көмір қорының 90%-ы, өндірісінің 80%-дан астамы шоғырланған. Көмірі таскөмір жүйесімен ұштастырылған. Көмірлілігі жағынан жоғарғы таскөмір жүйесінің ірі антиклинальды және синклинальды қатпарларында шоғырланған қатқабаттарымен (жалпы қалыңдығы 5000 — 6000 м болатын құмтас, көмірлі қат, әктас қатқабаттары) байланысқан. Мұндағы көмірлі қабаттардың жалпы саны 200-ге жуық, қалыңд. 0,5 м-ден астам (оның ішінде қатқабат қалыңд. 1 м-ден астам болатын 48 — 60-қаттарынан көмір өндіріледі). Рур тас көмір алабы көмірінің 60 — 65%-ы майлы (олардың жылу шығару қабілеті 8600 — 8700 ккал/кг), 10 — 12%-ы майсыз көмірге жатады. Ең терең шахталары Гуго (940 м) мен Катарина (900 м).