Руслан Қайыржанұлы Сапарғалиев

Руслан Қайыржанұлы Сапарғалиев 1976 жылы19 шілдеде Орал облысы Жымпиты ауданының Жымпиты кентінде туған. Қазақ. Әкесі - Сапарғали Қайыржан Мәдиұлы. Анасы - Қайжан Гүлбағила Зағипарқызы, зейнеткер, Сырым ауданы балалар кітапханасының меңгерушісі болып жұмыс істеген. Жәңгір хан атындағы Батыс Қазақстан аграрлық университетін (1998) инженер-механик мамандығы бойынша; «Еуразия» Батыс Қазақстан тілдер және менеджмент институтын (2000) экономист-бухгалтер мамандығы бойынша бітірген. Қазақ, орысжәне ағылшын (сөздікпен) тілдерін біледі. «Нұр Отан» ХДП мүшесі. 1998 жылдан - Сырым аудандық еңбек, халықты жұмыспен қамту және әлеуметтік қорғау бөлімінің маманы, бас маманы. 2000 жылдан - Батыс Қазақстан облысы Сырым ауданы Әкімі аппаратының бас маманы, 2001 жылдан - экономика бөлімінің меңге- рушісі. 2003 жылдан - Батыс Қазақстан облысы Әкімі аппаратының сараптау- талдау бөлімінің бас маманы. 2004 жылдан - Батыс Қазақстан облысы Әкімі аппаратының жылу-энергетикалық кешен мәселелері жөніндегі бас инспекторы, 2005 жылдан - өнеркәсіп және құрылыс кешені мәселелері жөніндегі бас инспекторы, 2006 жылдан - уйымдық-инспекторлық бөлімінің бас инспекторы. 2007 жылдан - Батыс Қазақстан облысы Кәсіпкерлік және өнеркәсіп департаментінің директоры. 2008 жылдан бері - Батыс Қазақстан облысы Кәсіпкерлік және өнеркәсіп басқармасының бастығы. Діни көзқарасы - дәстүрлі ислам. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Экономикалық жағынан гүлденген Қазақстан». Хоббиі - футбол. Сүйіп оқитын әдебиеті - детективтік жанр, тарихи әдебиет. Үйленген. Жұбайы - Сапарғалиева Нұрсәуле Жалғас- Қалиқызы. Қыздары - Қайыржан Аружан Русланқызы, Қайыржан Айриза Русланқызы; ұлы - Қайыржан Шыңғыс Русланұлы.