Рухигүл Мұқаева

Мұқаева Рухигүл - 1928 жылы Қарағанды облысы, Шет ауданында дүниеге келген. 1949 жылы Абай атындағы қазақ Мемлекеттік педагогика институтын физика-математика мамандығы бойынша бітірген.

Рухигүл Мұқаеваның 1950-1985 жылдар аралығындағы еңбек жолы: мектеп мұғалімі, "Оқу-педагогика" баспасында редактор, аға редактор, физика-математика редакциясының меңгерушісі дәрежелерінен өткен. Өзінің мамандығына орай бірқатар математика, алгебра, геометрия, физика, сызу, астрономия оқулықтарын орыс тілінен қазақ тіліне аудару, олардың оқушыға ұғынықты, тартымды, сапалы шығуына көп еңбек сіңірді.

Рухигүл Мұқаеваның ұжымдағы адамдармен қарым-қатынасы ерекше болатын. Оның мейірімділігі, парасатты ақыл-кеңесі жас редакторларға үлгі-өнеге еді. Білім беру ісіндегі ерекше еңбегі үшін "Қазақстан Республикасының Білім беру ісінің үздігі" белгісімен, "Еңбек ардагері" медалімен марапатталған.