Рымбек Нығметұлы Әлпиев

Уикипедия — ашық энциклопедиясынан алынған мәлімет
Jump to navigation Jump to search

Рымбек Нығметұлы Әлпиев

1953 жылы 25 тамызда Қырғыз КСР Фрунзе қаласында туған.

Әкесі - Әлпиев Нығмет (1898-1961), Қырғыз мемлекеттік университетінің оқытушысы болып жүмыс істеген. Анасы - Әлпиева Раушан, зейнеткер, әлеуметтік салада жұмыс істеген.Ленинград мемлекөттік театр, музыка және кинематография институтының театр және кино режиссурасы факультетін бітірген (1981), кинорежиссер.

Қазақ және орыс тілдерін біледі.

«Нұр Отан» ХДП мүшесі (2003 жылдан).

1980 жылдан - «Қазақфильм» киностудиясының кинорежиссері. 1990 жылдан - кәсіпкер, «Турказ» БК. 1997 жыл- дан - ҚР Президентінің телерадиокешенінде жұмыста.

2002 жылдан - Ш.Айманов атындағы «Қазақфильм» ҰКРМҚК бас директорының бірінші орынбасары.

2008 жылдан бері - Ш.Айманов атындағы «Қазақфильм» АҚ ойын киносы бірлестігінің директоры.

КСРО Кинематографистер одағының басқарма мүшесі.

«Қазақстан Республикасының тәуелсіздігіне 10 жыл» медалімен марапатталған (2001). Бүкілодақтық кино байқауы сыйлығының лауреаты (1983, 1991), X Халықаралық телефорум бас жүлдесінің иегері (Мәскеу қаласы, 2008). Қазақстанның Еңбек сіңірген қайраткері (2008).

Қазақстанның болашағы туралы болжамы - «Халықтың әл-ауқатының әрі қарайғы артуы. Саяси тұрақтылық. Экономикалық дамудың артуы. Мәдениет пен өнердің дамуы».

Хоббиі - спорттық балық аулау.

Сүйіп оқитын әдебиеті - Ф.М.Достоевский, Г.Г.Маркес,М. Әуезов, Ш.Айтматов, А.П.Чехов және тағы басқа.

Үйленген. Жұбайы - Әлпиева Зарема (1980 жылы туған), банк қызметкері. Қыздары - Әлпиева Әлия (1978 жылы туған), Әлпиева.[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2