Рүстем Сәдуұлы Уәйісов

Уәйісов Рүстем Сәдуұлы (10 қаңтар 1935 жыл, Куланцы  — 26 тамыз 2017 жыл, Петропавл) — Солтүстік Қазақстан облысының дамуына үлес қосқан құрметті ардагері, мұғалім, жазушы.

Өмірбаяны

Уәйісов Рүстем Сәдуұлы 1935 жылы 10 қаңтарда Омбы облысы Марьянов ауданы Құланцы ауылында дүниеге келген. Ақмола педагогикалық училищесін бітіргеннен кейін Ақмола облысы Қорғалжын ауданында мұғалім қызметін атқарады. Кейінірек Қайранкөл сегіз жылдық мектебі мен Буденный орта мектебінің мұғалімі болып жұмыс істеді. 1966 жылы Преснов ауданының Қазан мектебінің директоры болды, ал 1970 жылы облыстық партия комитетінің саяси ағарту үйінде әдіскер-кеңесші болып қабылданды. Бір жылдан кейін Солтүстік Қазақстан облыстық партия комитетінің насихаттау және үгіттеу бөлімінің нұсқаушысы болып ауыстырылды. 1975 жылы Соколов ауданының партия хатшысы болып сайланды. Осы қызметте 10 жыл жұмыс істеді және 1985 жылы Солтүстік Қазақстан облыстық атқару комитеті жанындағы баспасөзде және басқа да бұқаралық ақпарат құралдарында мемлекеттік құпияларды қорғау жөніндегі облыстық басқарманың бастығы болып тағайындалды. 1995 жылы құрметті демалысқа кетті. 2006 жылы облыс ардагерлері облыстық ардагерлер кеңесінің орынбасары болып сайланды.

Жеткен жетістіктері

1979 жылы КСРО Жоғарғы Кеңесі Президиумының Жарлығымен "Құрмет Белгісі" орденімен марапатталды. Сондай – ақ "Тың жерлерді игергені үшін", "Еңбек ардагері", "Тыңға 50 жыл", "1941-1945 ж. Ұлы Отан соғысындағы Жеңіске 65 жыл", "Қазақстан Республикасының тәуелсіздігіне 20 жыл" мерейтойлық медальдары бар. Партия органдарында ұзақ жылдар бойы белсенді жұмысы үшін және 1984 жылдың 18 желтоқсанында туылған алпыс жасқа толуына байланысты Солтүстік Қазақстан облыстық халық депутаттары Кеңесі атқару комитетінің грамотасымен дәріптелді.

Ардагерлер ұйымының жұмысына, өңірдің қоғамдық өміріне, жастарды патриоттық тәрбиелеуге белсенді қатысқаны үшін және республикалық ардагерлер ұйымының 20 жылдығына орай "Қазақстан Республикасының Ардагерлер ұйымы" қоғамдық бірлестігінің Орталық кеңесі республикалық ардагерлер ұйымының Құрмет грамотасымен мадақталды. Облыстық ардагерлер ұйымының жұмысына белсенді қатысқаны үшін облыстық ардагерлер кеңесінің грамотасымен марапатталды. "С.Қ. Құсайынов туралы "Жайсаң жан", Н.С. Данияров туралы жазылған "Есімі ел жадында", "Ата салты ұрпаққа мұра" және көптеген брошюралардың авторы. С. М. Киров атындағы Қазақ мемлекеттік университетінің түлегі (қазір Әл - Фараби атындағы Қазақ ұлттық университеті). Мемлекеттік тілді насихаттауға белсенді қатысқаны үшін 2013 жылдың 7 қарашасында Астана қаласындағы "Назарбаев орталығында""Тіл жанашыры" қоғамдық бірлестігінде "Тіл жанашыры" төсбелгісімен дәстерленді