Рәзия Рүстембекова
Разия Рүстембекова(1926-2003) 8 ақпанда Ақмола қаласында туған. 1948 жылы Қазақ мемлекеттік университетін, 1951 жылы осы оқу орнының аспирантурасын бітірген.
1956—1959 жж. Қазақтың көркем әдебиет баспасында редактор, 1959—1971 жж. Абай атындағы Қазақ педагогикалық институтында оқытушы болған. 1964 жылы «Б.Майлиннің драматургия» деген тақырыпта кандидаттық диссертация қорғайды.
1971-1983 жж. М.Әуезов атындағы Әдебиет және өнер институтында аға ғылыми қызметкер. Мұқан Иманжанов, Баубек Бұлқышев шығармаларын жинап, бастырған. Қазақ әдебиеті тарихы авторларының бірі.
Драматургия, әңгіме, комедия жанрына арналған сын-зерттеу кітаптары жарық көрген. Әдебиеттану саласында «Майлин драматургия» (1969), «Қазақ комедиясы» (1978), «Қазіргі қазақ әңгімелері» (1988) атты кітаптары шыққан. Көркем аударма саласында да еңбек еткен. «Үнді ертегілері», «Тамаша адамдар өмірінен» шағын әңгімелер, Д.Гулиа әңгімелерін қазақ тіліне аударған.[1]
Дереккөздер[өңдеу | қайнарын өңдеу]
- ↑ Қазақстан жазушылары: Анықтамалық – Алматы: “Ан Арыс” баспасы, 2009 жыл – 480 бет. ISBN 978-601-7130-43-5
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |