Сабыркүл Асанова

Сабыркүл Асанова (28.2. 1944. Жамбыл облысы Меркі ауданы Қызылқыстақ ауылы) - инженер-технолог, ЖОО-ның топ-менеджері. . Мәскеу тоқыма инстиуттың бітірген (1969). Экономика ғылымдарының кандидаты Мәскеудегі "Трикотажница" фирмасының инженері, бас инженері (1969-72), "Алмагүл" фирмасының бас инженері, директоры (1972-74), "Қазақстан" фирмасының бас директоры, Алматы қаласы атқару комитеті тұрмыстық қызмет көрсету басқармасының бастығы (1974-92), 1992 жылы "Сымбат" мода бизнесі академиясының ректоры.

Асанованың жетекшілігімен "Қазақстан" фирмасының киім үлгілері шетелдік көрмелерге шығарылып, алдыңғы қатарлы жүлделерді иеленді. "Сымбат" мода академиясының президенті ретінде ұлттық дәстүрді жандандыра түсуге баса назар аударды, өндіріске ұлттық киімдердің 500-ден астам үлгісін енгізді. 20-дан астам ғылыми еңбектері бар. "Халықтар достығы" орденімен және "Еңбек ардагері" медалімен марапатталған. ҚР Ұлттық инженерлік академиясының корреспондент мүшесі. (1998).