Савва Поликарпович Крыжановский

Уикипедия — ашық энциклопедиясынан алынған мәлімет
Навигацияға өту Іздеуге өту

Савва Поликарпович Крыжановский(25.8.1914, Солтүстік Қазақстан облысы,Тайынша ауданы Тайынша қаласы - 12.9 .1970) - 2-дүниежүзілік соғысқа катысушы, гвардия сержанты, кейіннен кіші лейтенант, бөлімше командирі. Кеңес әскері қатарына 1941 жылы шақырылды. Ол 2-гвардиялық атқыштар бригадасының 3-атқыштар батальонында барлаушы, бөлімшенің командирі болып ұрыстарға қатысты. 1943 жылғы 18 қазанда Днепр өзенінің оң жағалауындағы Кимарка елді мекені үшін болған ұрыста Крыжановский екі жауынгермен жау тылына өтіп, екі жолдың торабын тосқауылдады. Ирпень өзенінен өткел салу үшін кетіп бара жатқан жау машинасын көрді. Барлаушылар граната лақтырып, жаудың 5 әскерін жойып, екеуін тұтқынға алды. Крыжановский жаудың бір танкісін, бір бронетранспортерін, 6 әскерін жойды. Барлаушы бір жыл ішінде жаудың 96 әскері мен 5 офицерін жойды, 4 танкісі мен 3 бронетранспортерін, 6 автомашинасын, екі қол пулеметі мен бір станокты пулеметін қиратты. Крыжановскийге осындай ерлігі үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (10.01.1944)[1]. 1945 жылы кіші лейтенанттар курсын бітірді. 1945 жылы кіші лейтенант Крыжановский запаска шықты. Первомайск қаласында тұрып, жұмыс істеді.[2]

Дереккөздер[өңдеу | қайнарын өңдеу]

  1. Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1
  2. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х