Садырбай Тоқпанұлы Қожабаев
| Садырбай Тоқпанұлы Қожабаев | ||
| Лауазымы | ||
|---|---|---|
| ||
| 1961 — 1969 | ||
| Ізашары | Қадыр Жаманбаев | |
| Ізбасары | Сәнду Дүймағамбетова | |
| Өмірбаяны | ||
| Дүниеге келуі | 23 сәуір 1929 №9 Майқамыс ауылдық кеңесі, Бөрілітөбе ауданы, Талдықорған облысы | |
| Қайтыс болуы | белгісіз | |
| Марапаттары |
| |
өңдеу  | ||
Садырбай Тоқпанұлы Қожабаев (23 сәуір 1929, №9 Майқамыс ауылдық кеңесі, Бөрілітөбе ауданы, Талдықорған облысы, Қазақ КСР) — педагог, тарих ғылымдарының кандидаты, доцент, Қазақстанның жоғары мектеп қайраткері. 1961–1969 жылдары Гурьев педагогикалық институтының (қазіргі Х.Досмұхамедов атындағы Атырау университеті) ректоры
Өмірбаяны
[өңдеу | дереккөзін өңдеу]Қожабаев Садырбай Тоқпанұлы 1929 жылы 23 сәуірде Талдықорған облысының Бөрілітөбе ауданындағы №9 Майқамыс ауылдық кеңесінде шаруа отбасында дүниеге келген. Әкесі Тоқпан (1894 ж.т.) Октябрь революциясына дейін байлардың жалшысы болған, кейін Түрксіб теміржол басқармасында жұмыс істеген. Анасы Күлсін (1910 ж.т.) үй шаруашылығымен айналысқан.
1937 жылы Түрксіб теміржолы бойындағы №12 бастауыш мектепке қабылданды.
1946 жылы Абай атындағы Қазақ мемлекеттік педагогикалық институтының тарих факультетіне оқуға түсіп, оны 1949 жылы үздік аяқтады.
1949–1952 жылдары Қызылордадағы Н.В.Гоголь атындағы мұғалімдер институтында марксизм-ленинизм негіздері кафедрасының оқытушысы болып еңбек етті.
1952 жылы Қазақстан КСР Оқу министрлігінің жолдамасымен Гурьев мұғалімдер институтына жұмысқа жіберілді. Мұнда оқытушы, кафедра меңгерушісі, сырттай оқу бөлімінің проректоры, институт директорының оқу-ғылыми жұмыс жөніндегі орынбасары қызметтерін атқарды.
1956–1962 жылдары кафедра меңгерушісі болды. 1957 жылы Л.Е.Файнмен бірге «Из истории борьбы за установление и восстановление Советской власти в Гурьевской области» еңбегін жариялады.
1961–1969 жылдары Гурьев педагогикалық институтының ректоры болды[1]. Оның басқаруымен институттың оқу-материалдық базасы нығайып, жаңа факультеттер мен кафедралар ашылды, ғылыми кадрлар даярлау ісі жолға қойылды.
1969 жылдан бастап Целиноград педагогикалық институтында тарих кафедрасының доценті болып қызмет атқарды.
1965 жылы «Борьба трудящихся прикаспийских районов Казахстана за победу Советской власти, 1914–1920 гг.» тақырыбында кандидаттық диссертация қорғады.
Негізгі еңбектері
[өңдеу | дереккөзін өңдеу]«Из истории борьбы за установление и восстановление Советской власти в Гурьевской области» (1957, Л.Е.Файнмен бірге)
«Борьба трудящихся прикаспийских районов Казахстана за победу Советской власти, 1914–1920 гг.». Тарих ғылымдарының кандидаты ғылыми дәрежесін алу үшін дайындалған диссертацияның авторефераты. Алма-Ата, 1965[2].
15-тен астам ғылыми-әдістемелік еңбектер
Марапаттары мен атақтары
[өңдеу | дереккөзін өңдеу]- Еңбек Қызыл Ту ордені (1961)
- Бірқатар медальдар мен Құрмет грамоталары