Садық Шоңмұрынұлы Мұстафаев

Садық Шоңмұрынұлы Мұстафаев 1966 жылы 15 қарашада Қызылорда облысы Жалағаш ауданының «Мәдениет» кеңшарында туған. Қазақ. Әкесі - Мұстафаев Шоңмұрын, зейнеткер, жүргізуші болып жұмыс істеген. Анасы - Мұстафаева Күләш, зейнеткер, күріш өсіруші болған. Қазақ мемлекеттік дене шынықтыру институтын (1991) дене шынықтыру және спорт оқытушысы мамандығы бойынша; Қорқыт Ата атындағы Қызылорда мемлекеттік университетін (2009) «Мемлекеттік және жергілікті басқару» мамандығы бойынша бітірген. қазақ, орыс және ағылшын (сөздікпен) тілдерін біледі. «Нұр Отан» ХДП мүшесі. 1984 жылдан - Қызылорда облысы Жалағаш ауданының «Мәдениет» кеңшарында №8 бригада жұмысшысы. 1985 жылдан - Кеңес Әскерінің қатарында қызметте. 1987 жылдан - қазақ мемлекеттік дене шынықтыру институтының студенті (Алматы қаласы). 1991 жылдың шілдесінен - қазақ мемлекеттік дене шынықтыру институтының жатақхана коменданты, 1991 жылдың қазанынан - кафедраның күрес бойынша оқытушысы. 1993 жылдан - СЖТ РЖСШМ күрес бойынша жаттықтырушысы (Алматы қаласы). 2001 жылдан - Алматы қаласының РСДБМИ аға жаттықтырушысы. 2005 жылдан бері - Қызылорда облыстық Турзим, дене шынықтыру және спорт басқармасының бастығы. «Құрмет» орденімен марапатталған (2008). қазақша күрес бойынша ҚР спорт шебері, дзюдо бойынша Халықаралық дәрежелі төреші. ҚР құрметті спорт қайраткері (2006). ҚР Еңбек сіңірген жаттықтырушысы (2008). Әскери атағы - запастағы сержант. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Тұрақы экономикаға ие өркендеген мемлекет». Хоббиі - спорт, ән айту, бильярд. Үйленген. Жұбайы - Мұстафаева Сәуле Ғабдуллаханқызы. Қыздары - Мұстафаева Әйгерім Садыққызы; ұлы - Мұстафаев Сырымжан Садықұлы.