Сазанқұрақ

Уикипедия — ашық энциклопедиясынан алынған мәлімет
Jump to navigation Jump to search
Сазанқұрақ
Қызметі

өндірілген мұнайды дайындау, сақтау, тасымалдау

Құрылған жылы

1997

Орналасқан жері

Атырау облысы, Исатай ауданы

Саласы

Барлау және мұнай өндіру

Өнімі

Шикі мұнай

Басшы компания

Синопек компаниясы

«САЗАНҚҰРАҚ» ЖШС — 1997 жылы 20 мамырда кұрылды. Бас кеңсесі Пекиндегі Синопек компаниясы серіктестіктің құрылтайшысы және серіктесі болып табылады. Исатай ауданында мұнай өндіруші тұңғыш шетелдік компания.[1] Жылына 70 мың тонна мұнай мен 750 мың текше метрден астам газ өндіреді. Лицензиялық-келісімшарттық жағдайларға сәйкес, компания «Сазанқұрақ» кенішінде барлау және өндіру бойынша мұнай операцияларын жүзеге асырады, өндірілген мұнайды дайындауды, сақтауды, тасымалдауды, маркетинг және іске асырылуын қамтамасыз етеді. Мұнай өндірісі облыс орталығы Атырау қаласынан 150 шақырымдағы Исатай ауданында орналасқан «Сазанқұрақ» кенішінде жүзеге асырылады. «Сазанқұрақ» кенішінде сынақты пайдалану 1998 жылы, мұнайды өнеркәсіптік өндіруді 2000 жылы бастады, қазіргі уақытта кеніш өңдеудің төртінші сатысында. Өндіруші ұңғымалардың қоры - 73 бірлік.

Сазанқұрақ ЖШС.jpg

Бүгінгі таңда мұнайды жинақты өндіру 2588,9 мың тоннадан аса құрайды. Мұнайды шығарудың ағымдағы коэффициенті 37% құрайды. Кеніштің орташа сулануы 92%. «Сазанқұрақ» кенішінің жобалық МТТТК-н (мұнайды шығару коэффициенті) шамасы 2004 жылы 26, 2%-дан 2014 жылы 43,7% жетгі. Кеніштің сулануы 10 жыл ұзақтығында 87-92% деңгейінде тұр. Кеніште жыл сайын ГТШ геологиялық-техникалық іс-шаралар, сонымен бірге қойнауқаттың мұнай беруін көтеру, ұңғымаларды сазды қышқылды өңдеу, гидромеханикалық тесу перфорациясы, ұңғымаларды термогаз қышқылды өңдеу және т.б. сияқты жаңа технологиялар жүргізіледі. Геологиялық жоспарда кеніш ұзындығы 5 км-ге дейін және ені 100—500 метр созылған шөгіндіні білдіреді, кеніш тектоникалық жарықтармен бірнеше блоктарға бөлінген, бор және юраның өнімді беткейлері орнының тереңдігі 400-450 метр, мұнай жоғары тұтқырлы және ауыр ретінде сипатталады.

«Сазанқұрақ» ЖШС - бұрын тұрғын үй, қажетті инфрақұрылымы болмаған далада мұнай кенішін игеруді «нөлден» бастаған кәсіпорындардың бірі. «Сазанқұрақ» кенішін игеруге компания құрылтайшысымен бағытталған инвестициялардың үлкен көлемі қысқы мерзімде кәсіпшілікті абаттандыруға және өнеркәсіптік өндіруді бастауға мүмкіндік берді. Қысқа мерзімде кәсіпшілік абаттандырылды, топтық өлшем қондырғысы және мұнай коллекторы, мұнай дайындау тораптары, мұнай құю терминалы және мұнайды іске асыру үшін ұзындығы 4,4 км теміржол тармағы, қазандық паркі, қызметкерлер үшін вахталық қалашық салынды. Кенішті абаттандыру кезінде мұнайды өндіру, дайындау және тасымалдауда заманауи технологиялар ғана қолданылды. «Парыз-2014» бизнестің әлеуметтік жауапкершілігі бойынша конкурстың қоры- тындысымен «Сазанқұрақ» ЖШС «Еңбекті қорғау саласындағы үздік кәсіпорын» номинациясындағы «Орта және шағын кәсіпкерлік субъектісі» санатында алтын иегері атанды. «Парыз-2016» респ. конкурсының «Экологияға қосқан үлесі үшін» номинациясында күміс жүлдегері ретінде танылды.[2]

Дереккөздер[өңдеу | қайнарын өңдеу]

  1. https://atr.kz/zhanalyqtar/atyirauda-yi-t-yish-m-nay-ndirushi-shet/
  2. Исатай ауданы, Алматы "Сардар", 2018 ISBN 978-601-80678-6-0