Сайын Рысбайұлы Бақтыбаев

Сайын Рысбайұлы Бақтыбаев - 1948 жылы 23 желтоқсанда РКФСР Челябинск қаласында туған. Қазақ. Әкесі - Бақтыбаев Рысбай (1921-1978), әскери қызметкер болған. Анасы - Бақтыбаева Өрлен (1927-1992), үй шаруасымен айналысқан. Қазақ химия-технология институтын механика факультетін (1976) өнөркәсіптің химиялық процестерін автоматтандыру жөніндегі инженер-технолог мамандығы бойынша бітірген. «Казахстанская правда», «Литер», «Фокус», «Оңтүстік Қазақстан», «Эксперт Казахстан», «Бизнес и власть», т.б. газеттөр мен журналдарда жарияланған 20-дан астам мақаланың авторы. Қазақ, орыс және өзбек тілдерін біледі. КОКП (1969-1991), «Нұр Отан» ХДП (2001 жылдан) мүшесі.

• 1966 жылдан - «Оңтүстікқазауылқұрылыс» тресінің 3-ші разрядтағы ҚМК автослесарі.
• 1967 жылдан - Кеңес Әскерінің қатарында қызметте.
• 1970 жылдан - Мемлекеттік стандарт және метрологияның Шымкент облыстық зертханасының инженері; 1973 жылдан - аға инженері.
• 1975 жылдан - «Одақсужобаавтоматика» жоба институты Шымкент филиалының аға инженері.
• 1980 жылдан - Қазақстан Компартиясының Дзержинский аудандық комитетінің өндіріс-көлік бөлімінің нұсқаушысы.
• 1982 жылдан - Қазақстан Компартиясының Шымкент қалалық комитетінің өндіріс-көлік бөлімінің нұсқаушысы.
• 1983 жылдан - Қазақстан Компартиясының Шымкент облыстық комитетінің жеңіл өнеркәсібі бөлімінің нұсқаушысы, 1988 жылдан - жалпы бөлімінің сектор меңгерушісі.
• 1991 жылдан - «Шамшырақ» облатком коммерциялық орталығының бас директорының орынбасары, «Ақ-Сұңқар» сауда үйінің президенті.
• 1995 жылдан - «Электрод» АҚ директоры.
• 1998 жылдан - «Береке» Агро МТС» ЖІІІС директоры.
• 1999 жылдан - ОҚО әкімдігінің Индустрия және сауда департаментінің бөлім бастығы.
• 2000 жылдан - облыстық әкімдіктің индустрия бөлімінің бас маманы; 2002 жылдан - индустрия және сауда департаменті бөлімінің бастығы.
• 2004 жылдан бері - «Қазақ мақта қауымдастығы» ЗТБ төрағасы. ҚР Ауыл шаруашылығы министрлігінің Сараптау кеңесі, ОҚО әкімдігі жанындағы Сараптау кеңесінің, «Атамекен» одағы» ҚҰЭП мүшесі. «Қазақстан мақтасы» АҚтәуелсіз директоры. «Қазақстан Республикасының тәуелсіздігіне 10 жыл» (2001), «Атамекен» одағы» ҚҰЭП «Іске беріктік үшін» (2008) медальдарымен, ОҚО мәслихатының грамотасымен (2008) марапатталған.

Әскери атағы - запастағы аға лейтенант.
Діни көзқарасы - мұсылман.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Қазақстанның әлемнің жоғары дамыған елдері қатарына кіруі».
Хоббиі - спорт.
Сүйіп оқитын әдебиеті - публицистика, тарихи әдебиет.

Үйленген. Жұбайы - Бақтыбаева Патима, оқытушы. Қыздары - Төлеметова Айгүл, Бақтыбаева Әйгерім; ұлдары - Бақтыбаев Сәкен, Бақтыбаев Олжас.