Салт атқа мінудің үлгісі

Ерттелген атқа мінудің де тәсілі көп. Алдымен тізгінді сол қолға алады. Сонан соң сол қолмен аттың шоқтығынан, не ердің қасынан тізгінмен бірге ұстап, сол аяқты үзеңгіге салып, оң қолмен ердің артқы қасынан ұстайды да оң аяқты серпіп атқа мінеді. Кейде еуропалықтар, орыстар оң аяғын үзеңгіге салып, аттың оң жағынан мініп жатады. Мұны қазақ ерекше сөлекет санайды. Бүйтіп мінген жас балаларға, әсіресе қалалықтарға:"Өй, орыспысын?"- деп күліп жатады. Еуропалықтар үзеңгібауды ұзын тағады. Үзеңгібауы ұзын болғанда артта отырған адам қозғалмай отырады, үзеңгібауды теуіп көтерілу, қозғалу мұң болады.Ү. қысқалау болғанда ат үстіндегі адам үзеңгіге шіреніп. аттың жүрісіне қарай орнығып, ауық- ауық көтеріліп, қозғалып отырады. Ү. қысқалығының пайдалы, өмершең екенін өмір дәлелдеп отыр. Атқа мінгенде тізү отыруға дағдылану керек. Жамбастай қисық отырған адамның салмағы, жылқының салмақ орталығына дәл түспейді де, тепе- теңдік бұзылады.

Дереккөздер

1.Қазақ жылқысының тарихы. Алматы:"Алматыкітап баспасы", 2010.- 203 бет.