Салық декларациясы

Уикипедия — ашық энциклопедиясынан алынған мәлімет
Jump to navigation Jump to search

Салық декларациясы немесе Салық мағлұмдамасысалық төлеушінің салық агентінің Салық кодексінде белгіленген тәртіпке сәйкес салық органдарына берілген жазбаша мәлімдемесі немесе электрондық құжаты. Онда салық салу объектілері мен салық салуға байланысты объектілер, сондай-ақ салық міндеттемелерін есептеу және салықтар мен бюджетке төленетін басқа да міндетті төлемдерді есептеу мен төлеуге байланысты басқа да деректер туралы мәліметтер болуға тиіс. Мағлұмдамада салық төлеуші табыстың, мүліктің, т.б. мөлшерін, қажетті салық шегерімдерін, жеңілдіктер мен шегермелерді көрсетеді және әрбір салық кезеңі аяқталған бойда өзінің тіркелген жеріндегі салық органдарына берілетін салық сомасын есептейді. Мағлұмдамадағы деректер саналы түрде бұрмаланған жағдайда заңи және экономикалық жауапқа тартылады.[1]

Салық декларациясы компанияның соңғы өндіріс кезеңіндегі табысын егжей тегжейлі баяндайды. Ол өндіріс шығындары мен құнын шығарып тастағандағы сатылым нәтижесінде алынған сомадан бастап, таза пайда көрсеткіштерімен аяқталады.

Құрылымы[өңдеу]

Табыстар жөніндегі декларация мына құрылымдардан тұрады:

  1. Өтім - жалпы түскен ақша.
  2. СТӨҚ - сатылған тауарларды өндіру құны
  3. ЭП өндіруге пайдаланылған материалдар мен жұмыс күшінің құны.

СТӨҚ қоймадағы ЭП-ның сатылған ЭП санына көбейтілген орта құны.

Жалпы пайда - өтімнің СТӨҚ-дан азайтындысы.

Маркетинг - компанияның соңғы кезеңдегі маркетингке жұмсаған ақша мөлшері.

Амортизация - фабриканың ескірген құрал жабдықтарын жөндеуге және ауыстыруға бөлінген ақша мөлшері.

Ғылыми зерттеу жұмыстары - капитал қосу компанияларға өнімді жақсартуға және сатып алушыларға, бәсекелестердің бұйымдарынан гөрі ұнамды зат жасауға жағдай туғызады.

Өндірісті ықшамдау жұмысы - шығындар келесі кезеңдегі жұмыспен қамтылу деңгейінің азаюымен байланысты жұмыстан шығарылған әр жұмысшыға он доллар құрайды.

Қоймадағы тауарлар бағасы - сақтандыру және қоймада қалуға байланысты басқа шығындарды өтеуге бір ЭП -нің қоймада қалуына бір доллар.Аталған төлем кезеңінің басынан соңына дейін қоймада қалатын әр бірлікке қолданылды.

Банк проценті - кредитті пайдаланғаны үшін банк белгілейтін жылдық проценттің төрттен бірі.

Салыққа дейінгі пайда - жалпы пайдадан маркетингтің, амортизацияның, ҒЗЖ және банк процентінің мөлшерінің азайтындысы.

Салық - үкіметке төленетн түсім салығы.

Таза пайда - салыққа дейінгі пайдадан салықтың азайытындысы.

Проценттегі өтім - табыс жөніндегі лекларация көрсеткіштерің әрқайсысының өнім мөлшеріне прценттік қатынасы.[2]

Дереккөздер:[өңдеу]

  1. Қазақ энциклопедиясы, 7 - том
  2. Қолданбалы экономика, Алматы қаласы, 2001