Самарра

Уикипедия — ашық энциклопедиясынан алынған мәлімет
Jump to navigation Jump to search

СамарраИрактың шығысында, Тигр өзенінің жағалауында орналасқан қала[1].

Халық саны 201 700 адам (2002 жылғы халық санағы бойынша). Қазба жұмыстары кезінде бұл жерде біздің заманымызға дейінгі 5 мыңжылдыққа жататын Самарра мәдениетінің болғандығы анықталды. Бірақ қалалық қоныстар кейінірек пайда болды. 833 жылы Исламға дейінгі көне қоныстардың орнына жаңа қала пайда болған. Аскария мешітінде Аскарияның екі имамы жерленгендіктен, шииттердің қасиетті қаласы болып саналады. Мұхаммед әл-Мұғтасымның мұрагері халифа Һәрун әл-Уәсиқ Самаррада шиыршық тәрізді мұнарасы бар, әйгілі Ұлы Мешітті салдырады. Оның биіктігі 52 м және ені 33 м-ге жетеді. Сол уақытта мешіт Ислам әлеміндегі ең ірі құрылыс болған. Аббасидтер кезеңіндегі сәулет өнерінің ескерткіштері (42 сарайдың орны, 4 мешіт, 3 халифаның кесенесі, сегіз бұрышты келген қаланың солтүстік бөлігі) ЮНЕСКО-ның Бүкіләлемдік мұралар қорына енгізілген. Ескерткіштер №276 нысан болып тіркелген. 1911 жылы неміс археологтарының бастамасы бойынша зерттеле бастаған ескерткіштердің тек жартысы ғана арнайы ғылыми сараптамадан өткен.

Дереккөздер[өңдеу]