Самғау

Самғау. Түсіндірме сөздіктегі бірінші мағынасы қатты екпінмен ұшу, шарықтау. «Самолет бұйра бұлттардың үстімен самғап келді де, аппақ ақ тұманның арасына кеп килікті» (Р. Тоқтаров, Ертіс.). Біздің тілімізге бұл сөз де арабтардан ауысып келген. Оларда «самағ» тұлғалы сөз «аспан» мағынасын меншіктенген. Бұл дерек бойынша, сөз төркіні — араб тілі де, «самғаудың» дәл мағынасы —«аспандау» дегенмен бірдей.