Санитарлық-өнеркәсіптік бақылау
Санитарлық-өнеркәсіптік бақылау -еңбекті қорғау саласындағы мемлекеттік бақылауқызметінің бір түрі.
Оған шаруашылық органдардың (оның ішінде жаболау-конструкторлық және технологиялық институттар мен бюролардың) жобалауда, құрылыста, қайта конструкциялауда,өнеркәсіптің профилі мен технологиялық процесстерді өзгертуде, сондай-ақ кәсіпорындармен құрылысты пайдалануға беруге санитарлық-гигиеналық нормалар мен ережелердің сақталуын қадағалауы жатады. Жаңа жабдықты жобалау, қолданудағы жабдық пен жұмыс аспаптарын жетілдіру және оларды күнделіеті пайдалану барысында да Санитарлық-өнеркәсіптік бақылау жүргізіледі.
Санитарлық-өнеркәсіптік бақылау органдары:
- денсаулық сақтау министрліктердің санитарлық-эпидемиологиялық басқармалары
- жергілікті санитарлық-эидемиологиялық стансалар.
Санитарлық-өнеркәсіптік бақылау сақтық және күнделікті бақылаудан тұрады.
1. Сақтық бақылауға
- өнеркәсіп орындарының құрылысына алаң бөліп беру,
- құрылыстың жобалануы мен салынуын бақылау,
- жаңадан салынған немесе қайта конструкцияланған өнеркәсіп орындарын пайдалануғы рұқсат ету,
- өнеркәсіп объектілеріндегі өнеркәсіп профилі мен технологиялық процесстерді өзгерту,
- бұйымның технологиялық шарттарын бақылау жатады.
Заңда өнеркәсіп құрылысының барлық үлгідегі жобасының Санитарлық-өнеркәсіптік бақылаумен міндетті түрде шар жасауы қарастырылған.
2. Күнделікті санитарлық бақылауға
- санитарлық-эпидемиологиялық стансалар тарапынан кәсіпорын әкімшілігінің санитарлық нормалар мен ережелер талаптарын орындап отыруын бақылау,
- сауықтыру шараларының жоспарын жасауға қатысу,
- бұл шаралардың мерзімінде орындалуын бақылау,
- өндірісте зиянды еңбек жағдайында жұмыс істейтін жұмысшыларлдың алдын ала және мерзімді медициналық байқаудан өткізіліп отыруын бақылау,
- кәсіби аурулар мен улану себептерін зерттеу
- оларға қарсы әкімшілік үшін міндетті болып саналатын профилактикалық шаралар жасау жатады.
Санитарлық-өнеркәсіптік бақылау жұмысы өнеркәсіп орындары кәсіподақ ұйымдарының қатысуымен жүргізіледі.
Дереккөздер[өңдеу | қайнарын өңдеу]
- “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998