Сапарғали Оңайбаев

Сапарғали Оңайбаев (1949 ж. т., Маңғыстау ауданы Шайыр ауылы) – сауда қызметкері. КСРО «Тұтыну қоғамының үздік қызметкері» (1988). Қарағанды кооператив институтын бітірген (1971). 1971 – 77 ж. Шетпе көтерме сауда базасында, шаруашылық есептегі бөлшек сауда кәсіпорнында бас есепшінің орынбасары, есепші, 1977 – 80 ж. Шетпе бейруда құрылыс материалдары зауытында, «Госкомсельхозтехника» өндірістік бірлестігінде жоспарлау бөлімінің бастығы. 1983 жылдан Маңғыстау ауданы тұтынушылар қоғамының басқарма төрағасы. Оңайбаев өлең жазумен, күй тартуымен көпшілікке танымал. Оның өлеңдерін белгілі ғалым Қ.Сыдиықов жоғары бағалаған. «Достық» атты күйі Маңғыстау облыстық халық шығармашылық ғылыми-әдістемелік орталығында қабылданып, өнер ұжымдарына ұсынылған.