Сапақ анализ

Сапақ анализ, сапалық талдау — заттың құрамы қандай элементтерден, радикалдардан, иондардан, қосылыстардан тұратынын анықтайтын хим., физ.-хим. және физ. әдістердің жиынтығы; аналитикалық химияның негізгі бөлімдерінің бірі. Сапақ анализ анықталатын құраушылардың түріне қарай изотоптық, элементтік, функционалдық, молекулалық, фазалық, т.б. болып бөлінеді. Оларды хим., физ.-хим. және физ. әдістерді пайдаланып жүргізеді. Хим. элементтерді немесе иондарды хим. әдіспен анықтау олардың сапалық реакцияларына негізделген. Сапалық хим. реакциялар көбінесе ерітіндідегі иондар арасында жүретіндіктен Сапақ анализ катиондар немесе аниондар талдауы болып бөлінеді. Физ. Сапақ анализге спектрлік, эл., магн., адсорбц. және люминесценттік, т.б. әдістерді жатқызуға болады. Олар затты қоспадан бөлмей, өте аз мөлшерімен талдау жүргізуге мүмкіндік береді. Сапақ анализ анықталатын нысанның өзіне тән қасиеттері мен сезгіштігіне негізделіп жүргізіледі.