Сараш Сахиқызы Қоңырбаева

Уикипедия — ашық энциклопедиясынан алынған мәлімет
Jump to navigation Jump to search
Сараш Қоңырбаева
Сараш Қоңырбаева.png
Толық есімі

Сараш Сахиқызы Қоңырбаева

Туған күні

10 қаңтар 1965 (1965-01-10) (57 жас)

Туған жері

Аранды ауылы, Қазалы ауданы, Қызылорда облысы

Азаматтығы

 КСРО Қазақстан

Ұлты

Қазақ

Қызметі

Педагогика саласы

Сараш Сахиқызы Қоңырбаева (10 қаңтар 1965 жыл, Аранды ауылы, Қазалы ауданы, Қызылорда облысы, Қазақ КСР) — педагог, ұстаз[1].

Өмірбаяны[өңдеу | қайнарын өңдеу]

Карьерасы[өңдеу | қайнарын өңдеу]

1979 жылы № 97 сегізжылдық мектепті, 1981 жылы № 25 мектепті бітірген. 1983-1988 жж. Н.В.Гоголь атындағы Қызылорда педагогика институтының музыка-педагогика факультетіне түсіп, «Музыка пәнінің мұғалімі, тәрбиеші-методист» мамандығы бойынша бітіріп шықты. 1992-1997 жылдары Абай атындағы Алматы мемлекеттік университетінің қазақ филологиясы факультетінде оқып, «Қазақ тілі мен әдебиеті пәні мұғалімі» мамандығын алды. Ы.Алтынсарин атындағы Қазақ білім академиясының аспирантурасын бітірді.

1988-1989 оқу жылында Ү.Түктібаев ауылындағы балалар музыка мектебінде жұмыс істеді. 1989 жылдан Алматы қаласындағы № 123 мектеп-гимназиясында музыка пәнінің, қазақ тілі мен әдебиеті пәнінің мұғалімі және мектеп директорының тәрбие ісі жөніндегі орынбасары қызметін атқарды.

2003-2005 жылдары Ы.Алтынсарин атындағы Қазақ білім академиясындағы Тұлғаны әлеуметтендіру институтында аға ғылыми қызметкер, зертхана меңгерушісі болып педагогикалық ғылыми-зерттеу жұмыстарына қатысты.

2005-2007 жылдары Қазақ мемлекеттік қыздар педагогикалық университетінің «Әлеуметтік және гендерлік ғылыми зерттеулер» институтында «Отбасындағы гендерлік әлеуметтендіру» зертханасының меңгерушісі және Жалпы педагогика кафедрасында аға оқытушылық қызмет атқарды. 2008 жылы «Жоғары сынып оқушыларын отбасылық өмірге этномәдени құндылықтар негізінде даярлаудың педагогикалық шарттары» тақырыбында кандидаттық диссертация қорғады.

2005-2020 жылдар аралығында Қазақ ұлттық қыздар педагогикалық университетінде жұмыс істеді. «Педагогика және психология» факультетінің, «Өнер және мәдениет» факультетінің деканы қызметін атқарды. Университеттің «Қазақ аруы» арнайы курсының тұжырымдамасын жасаған автор және осы пәннен студенттерге дәріс берді.

Шығармашылығы[өңдеу | қайнарын өңдеу]

30-ға жуық жеке және авторлық бірлестікте монографиялары, студенттер мен магистранттарға арналған оқулықтары, мектеп мұғалімдері мен тәрбиешілерге, ата-аналарға арналған әдістемелік құралдар мен бағдарламалары жарық көрген. Халықаралық ғылыми-тәжірибелік конференциялар мен халықаралық, республикалық ғылыми-педагогикалық журналдарға жариялаған мақалалары 250-ге жуық.

«Асыл арна» телеарнасында «Әжемнің әңгімесі» хабарын жүргізді. «ЖОО Үздік оқытушысы – 2015» грантының жеңімпазы. Түркиядан шығатын Халықаралық «Journal of institute of economic development and social researches» (IKSAD journal) журналының редакторы.

Дереккөздер[өңдеу | қайнарын өңдеу]

Сілтемелер[өңдеу | қайнарын өңдеу]