Сарманбай Исақ

Уикипедия — ашық энциклопедиясынан алынған мәлімет
(Сармайбай Исақ бетінен бағытталды)
Навигацияға өту Іздеуге өту

Сармайбай Исақ - 1952 жылы 5 мамырда Түркістан облысы, Ордабасы ауданындағы XXI партсъезд кеңшарының Қайтпас ауылында дүниеге келген. 1977 жылы Шымкент совхоз-техникумын бітіріп, сол жылы Бөген аудандық «Коммунизм таңы» газетінде қызмет атқарды. 1984 жылға дейін Төрткөл орта мектебінде мұғалім, «Көк-арал» совхозында агроном, бөлімше меңгерушісі болды. 1988 жылы Алматы ауыл шаруашылығы институтын бітірген. 1994 жылға дейін Шымкент облысы, Абай ауданына қарасты XXI партсъезд совхозында агроном болып жұмыс істеді. 1994 — 1998 жылдары Бозарық ауылының әкімі қызметінде болды. Бүгінде қалалық әкімшілікте қызмет атқаруда.

Алғашқы фантастикалық әңгімелері аудандық, облыстық, республикалық баспасөзде, ұжымдық жинақтарда жариялайды. Жазушының төрт жеке кітабы бар.

Қазақстан Жазушылар одағы облыстық бөлімшесінің Қарауылбек Қазиев атындағы сыйлығын (1993) иеленді.

«Қызыл сәуле» (Фантастикалық повесть және әңгімелер. 1992) «Үрей жайлаған дала» (Повесть және әңгімелер. 1994), «Құмар» (Повесть және әңгімелер. 1997), «Сенсация века» атты кітаптары жарық көрді.[1]

Дереккөздер[өңдеу | қайнарын өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл