Сарыадыр (қырқа)
| Сарыадыр | |
| Сипаттамасы | |
|---|---|
| Ұзындығы |
75 км |
| Биіктігі |
323 м |
| Орналасуы | |
|
50°54′57″ с. е. 65°34′23″ ш. б. / 50.91583° с. е. 65.57306° ш. б. (G) (O) (Я)Координаттар: 50°54′57″ с. е. 65°34′23″ ш. б. / 50.91583° с. е. 65.57306° ш. б. (G) (O) (Я) | |
| Елдер | |
|
| |
|
| |
Басқа мағыналар үшін Сарыадыр деген бетті қараңыз.Сарыадыр – Сарыарқа шоқылы тауларының батысында, Торғай үстіртінің солтүстігінде жатқан үстіртті-адырлы тау тізбегі. Мойылды жəне Сарыөзен (Жалдама) өзендерінің суайрығы саналады.
Географиялық орны
[өңдеу | қайнарын өңдеу]Қостанай облысының Амангелді жəне Ақмола облысының Жарқайың аудандары жерінде, батыстан шығысқа қарай 75 км-ге созылып жатыр.
Жер бедері
[өңдеу | қайнарын өңдеу]Ең биік жері шығысында (323 м). Батысқа қарай аласарып Мойылды өзеніне тіреледі. Беткейлері Талдыбұлақ, Қарағансай, Миялы, т.б. өзендердің аңғарларымен, сай-жыралармен тілімденген. Адырлы тау үсті үстіртті жазық.
Геологиялық құрылымы
[өңдеу | қайнарын өңдеу]Жер қыртысы жоғарға палеозойдың интрузивтік гранит, гранодиорит, кварцит, т.б. тау жыныстарынан түзілген. Тектоникалық тұрғыдан каледон қатпарлық құрлымына жатады.
Өсімдігі
[өңдеу | қайнарын өңдеу]Топырақ жамылғысында шөлейтті жəне құрғақ даланың сұр, сұрғылт қоңыр топырағы басым. Онда бұта аралас жусан, бетеге, қылқан боз, көде, баялыш, т.б. астық тұқымдас шөптесіндер өседі. Өзен жəне сай-жыраларды бойлай тал, шілік, қараған, итмұрын, далалық шалғын шөптесіндер өседі. Етегінде қыстау, жайлаулар орналасқан. Бұлақ көздері көп.[1]
Дереккөздер
[өңдеу | қайнарын өңдеу]- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5