Сарыбасша

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Сарыбасша
Nasturtium microphyllum
Nasturtium microphyllum
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
Сабы: Brassicales
Тұқымдасы: Brassicaceae
Тегі: Nasturtium
W.T. Aiton
түрлері

10 түрі белгілі

Сарыбасша (лат. Nasturtium) – орамжапырақ тұқымдасына жататын көп жылдық су өсімдігі. Қазақстанда Күнгей, Іле Алатауларының, Қаратаудың, Батыс Тянь-Шаньнің батпақты жерлерінде, өзендер бойында және бұлақтардың жағалауында өсетін 1 түрі — бұлақ Сарыбасшасы (N. fontanum) бар. Оның биікт. 10 — 60 см. Сабақтары жер тағандап өседі. Жапырақтары қауырсынды, шеті ойықталып тілімденген. Ақ түсті гүлдері қысқа масақ гүлшоғырына топталған. Мамыр — маусым айларында гүлдеп, жеміс салады. Жемісі — қысқа бұршаққын. Сарыбасшаның құрамында эфир майы, каротин, йод және С витамині бар. Жас жапырақтарынан дайындалатын тұнбасы мен шырынын қан азайғанда, бауыр ауырғанда, бүйрекке және қуыққа тас байланғанда, бүйрек қабынғанда, тері аурулары кезінде ішеді. [1]

Сілтемелер[өңдеу]

Дереккөздер[өңдеу]

  1. Қазақ энциклопедиясы, 7 том