Сарыбел

Уикипедия — ашық энциклопедиясынан алынған мәлімет
Jump to navigation Jump to search

Сарыбел - Жетісу (Жоңғар) Алатауының оңтүстік жоталар тобына кіретін жайлау.

Географиялық орны[өңдеу]

Алматы облысы Панфилов ауданы жерінде, Тышқантау, Шақпақтастау және Алмалы тауларының оңтүстік-батыс етегінде, Тышқан өзенінің бойында, теңіз деңгейінен 1367 м биіктікте орналасқан. Оңтүстікке қарай аласара түсетін сатылы тауалды аңғары 1736 м-ден 1367 м-ге дейін төмендейді.

Геологиялық құрылымы[өңдеу]

Палеозой дәуірінің герцин тау жасалу кезеңінде пайда болған. Беті саздақтан, шақпақтастардан, құмнан тұратын төрттік шөгінділермен көмкерілген. Жайлауды солтүстіктен оңтүстікке қарай бірнеше өзен кесіп өтеді.

Климаты[өңдеу]

Климаты қоңыржай белдеудің тұран континенталдық аймағына жатады. Қаңтардың орташа температурасы –12 -16°С, шілдеде 20 - 24°С. Жылдық жауын-шашын мөлшері 500 - 700 мм.

Өсімдігі[өңдеу]

Жайлаудың өсімдік жамылғысын негізінен альпілік шалғындар мен жемісті бұталар құрайды. [1] [2]

Дереккөздер[өңдеу]

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3
  2. Қазақ энциклопедиясы, 7 том