Сарыөзен (өзен, Торғай алабы)

Сарыөзен
Сипаттамасы
Ұзындығы	164 км
Су алабының ауданы	10100 км²
Су алабы	Торғай өзені
Су ағысы
Бастауы	Сарыадыр қыраты
• Координаттары	50°45′47″ с. е. 65°34′22″ ш. б.50.76306° с. е. 65.57278° ш. б. / 50.76306; 65.57278
Сағасы	Сарықопа көлі
• Орналасқан жері	Саға ауылының тұсы
• Координаттары	50°25′11″ с. е. 64°12′42″ ш. б.50.41972° с. е. 64.21167° ш. б. / 50.41972; 64.21167
Орналасуы
Ел	Қазақстан
Аймақ	Ақмола облысының Жарқайың, Қостанай облысының Амангелді, Жангелді аудандары

 Басқа мағыналар үшін Сарыөзен деген бетті қараңыз.

Сарыөзен, Қоңыраулы – Торғай алабындағы өзен.

Географиялық орны

Ақмола облысының Жарқайың, Қостанай облысының Амангелді, Жангелді аудандары жерімен ағады. Ұзындығы 164 км. Су жиналатын алабы 10100 км².

Бастауы

Сарыадыр қыратынан басталып, Саға ауылы тұсында Сарықопа көліне құяды.

Гидрографикасы

Суы мол жылдары Тәуіш өзені арқылы Торғай өзеніне жетеді. Ірі саласы — Үлкен Дәмді өзені. Арнасының ені 20 — 50 м, кей жерінде 160 м-ге жетеді. Жайылмасы 10 — 40 м, кейде 60 — 80 м-ге жетеді. Сарыөзен сәуір — мамыр айларында тасып, су деңгейі 2,5, кейде 4,8 м-ге дейін көтеріледі. Жауын-шашын, ішінара жер асты суымен толығады. Жылдық орташа су ағымы сағасында 3,57 м²/с. Жазда иірім қарасуларға бөлінеді. Төменгі ағысындағы суы ауыз суға жарамды.