Састроамиджойо
Састроамиджойо[өңдеу | қайнарын өңдеу]
Биографиясы[өңдеу | қайнарын өңдеу]
Састроамиджойо ( Sastroamidjojo) Али (21. 5. 1903, Орт. Ява,- 13. 3. 1975, Джакарта )- Индонезияның саяси және мемлекет қайраткері. 1927 ж. Лейден университетін бітірді, құқық докторы. Голланд отаршыларына қарсы ұлт-азаттық соғысына белсене қатысушы. Алдымен Ұлттық партияға, кейінірек Партиндо және Гериндо партияларына кірді. 1945 ж. информация министрінің орынбасары, 1947-49 ж. оқу және мәдениет министрі. 1950-53 ж. Састроамиджойо Индонезияның АҚШ- тағы елшісі. 1953-55ж. және 1956-57 ж. Инжонезия Республикасының үкіметін басқарды. Састроамиджойо үкіметі тұсында Индонезия мен КСРО-да елшіліктер (1954) алмасылды. Састроамиджойо Азия мен Африка елдерінің Бандунг конференциясын (1955) ұйымдастырушылардың және оның председательдерінің бірі болды. 1957-60 ж. Индонезияның БҰҰ- дағы тұрақты өкілі. 1961- 66 ж. Уақытша халықтық консультативтік конгресс председателінің орынбасары. 1960-66 ж. Ұлттық партия председателі . Индонезиядағы 1965 жылғы 30 қыркүйек оқиғасынан кейін барлық қызмет орнынан алынды. [1]
Дереккөздер[өңдеу | қайнарын өңдеу]
- ↑ Қазақ Совет Энциклопедиясы. Алматы қаласы,1977 ж. 10-том, Самал Жел-Тегене. 427-бет